Тайваньд газар хөдөлснөөс болж монгол оюутнуудыг шилжүүлж байна
Тайванийн Хуалиен хотын хойд хэсэгт энэ сарын 6-нд газар хөдлөлт боллоо.
Тайванийн Хуалиен хотын хойд хэсэгт энэ сарын 6-нд газар хөдлөлт болсонтой холбогдуулан Тайпэй дахь Худалдаа, эдийн засгийн төлөөлөгчийн газарт ажлын хэсэг байгуулан 24 цагаар ажиллуулж, шуурхай дуудлагын +886-2-27229740 дугаарыг олон нийтэд зарлаж ажиллав.
Газар хөдлөлтийн бүсэд буй монгол оюутнуудтай холбоо тогтоож, тэднээс газар хөдлөлтийн төвд байсан Цу Чи их сургуулийн 4 оюутныг Тайпэй хотод өчигдөр шилжүүлэн авчирч байрлуулжээ. Хуалиен хотод нийт 31 монгол оюутан суралцдаг бөгөөд одоогийн байдлаар газар хөдлөлтийн бүсээс зайтай оршдог Дунхва их сургуульд суралцаж буй 13 оюутан аюулгүй байгаа болно.
Эх сурвалж: Гадаад харилцааны яамны Консулын газар