Шинки Кнегт дунд хуруугаа гаргасан уу
БНСУ болон тэмцээний аварга болсон Лим Хе Чуныг доромжилсон хэрэг хэмээн эсэргүүцэл үзүүлж байна.
Голландын шорт-трекийн тамирчин Шинки Кнегтийг шагнал гардуулах ёслол дээр дунд хуруугаа гаргаж, олныг доромжилсон гэж шүүмжилж эхэллээ.
1500 метрийн зайд мөнгөн медаль хүртсэн Кнегт шагнал авч байхдаа дунд хуруугаа гозойлгосон байсан нь гэрэл зурагчдын хараанд өртөж, солонгосчууд үүнийг нь БНСУ болон тэмцээний аварга болсон Лим Хе Чуныг доромжилсон хэрэг хэмээн эсэргүүцэл үзүүлж байна.
Шинки Кнегт энэ талаар “Дунд хуруугаа гаргасан мэт л харагдаж байгаа юм. Түүнээс санаатай тэгээгүй. Би тоглоом бариад л зогсож байсан” гэж өөрийгөө өмгөөлсөн юм.
Гэвч Кнегт өмнө нь мөн ийм хэрэгт орж байсан хүн. 2014 оны Европын аваргаар тэр уралдаанд түрүүлсэн Оросын Виктор Аны араас дунд хуруугаа гозойлгоод хүрэл медалиа хураалгаж байлаа.