1 мин

“Пёнчан 2018”: Финланд тамирчид нэхэх дуртай

Тэд юу нэхэж байна, яагаад нэхэж байна?

М.Сугар-Эрдэнэ 2018.02.13 34 31 16

Сноубордын тэмцээний финалын үеэр Финландын багийн дасгалжуулагч Антти Коскинен шавиа гараанд гарахыг хүлээх зуураа юм нэхээд сууж байлаа. Дөрвөн жилийн өмнө Сочигийн олимпод ч мөн тэр нэхэж байгаад гэрэл зурагчдын хараанд өртсөн. Хөгжөөн дэмжигчид Антти юу нэхэж байна, яагаад нэхэж байна гэдгийг сонирхсон нь мэдээж.

Яагаад гэдгийн хувьд ойлгомжтой, стресс тайлах. Шигшээ багийн сэтгэл зүйч Ханналеена Ронкайнен дасгалжуулагчид ийм зөвлөгөө өгчээ.

Сочигийн олимпийн үеэр Анттигаас гадна Финландын шигшээ багийн олон гишүүн “нэхмэлчин” болж, олимпийн дараа тус тусдаа нэхсэн өөдсүүдээ нийлүүлэн, урт ороолт хийж байлаа. Энэ ороолт Финландын шигшээ багийн эв нэгдлийн бэлгэ тэмдэг болсон юм.
Харин энэ удаад тэд ороолт нэхсэнгүй. Улсынхаа Ерөнхийлөгч Ниинистёгийн энэ сарын 2-нд төрсөн хүүд зориулан, хөнжил нэхэж байгаа гэнэ.

М.Сугар-Эрдэнэ 2018.02.13