мин

“SoftBank Group” Монголд дахин салхин цахилгаан станцын төсөл хэрэгжүүлж магадгүй

Салхин цахилгаан станцын төслийн өртөг 120 сая ам.доллар. Үүний 70 хувийг ЖАЙКА болон Европын сэргээн босголт, хөгжлийн банк хамтарч санхүүжүүлэх төлөвтэй байгаа гэнэ

Э.Хулан 2016.11.24 45 32 28

“SoftBank Group” Монголд шинээр салхин цахилгаан станцын төсөл хэрэгжүүлэхээр төлөвлөж байгаа гэнэ. Энэ тухай тус компанийн ТУЗ-ийн дарга Масаёши Сон хэлжээ. Ингэснээр Азийг дамнасан хямд, цэвэр эрчим хүчний сүлжээтэй болох тухай www.bloomberg.com уламжилсан байна. 

Японы Токио хотод төвтэй “SoftBank Group” дотоодын “Ньюком” компанитай хамтарч, 50 МВт-ын хүчин чадалтай салхин цахилгаан станцын төслийг 2012 онд Монголд хэрэгжүүлсэн.  Харин одоо япончууд салхин цахилгаан станцын хоёр ч төслийг дахин хэрэгжүүлэхээр төлөвлөж байгаа нь энэ. 

Шинээр байгуулахаар төлөвлөж буй 50 МВт-ын хүчин чадалтай салхин цахилгаан станцын төслийн өртөг 120 сая ам.доллар болох тооцоотой. Үүний 70 хувийг Японы олон улсын хамтын ажиллагааны нийгэмлэг буюу бидний нэрлэж заншсанаар ЖАЙКА болон Европын сэргээн босголт, хөгжлийн банк хамтарч санхүүжүүлэх төлөвтэй байгаа гэнэ. 

Э.Хулан 2016.11.24