Б.Ачбадрах 97-д орлоо
Батмөнхийн Ачбадрах 41:40.4 минутын цагийн амжилтаар 97-р байрт орлоо
"Пёнчан 2018" өвлийн XXIII олимпийн наадмын гүйлтийн цанын эрэгтэйчүүдийн 15 км зайн уралдаан өчигдөр боллоо. Нийт 119 тамирчин оролцсон тус уралдаанд манай тамирчин Батмөнхийн Ачбадрах 41:40.4 минутын цагийн амжилтаар 97-р байрт орлоо. Б.Ачбадрах маань 119 тамирчнаас 97-р байранд орж 2010 оны Ванкуверын олимпод оролцож байсан Хаш-Эрдэнийн амжилтыг 1 минутаар ахиулсан сайхан амжилт үзүүллээ.
Швейцарийн Дариа Кологна 33:43.09 минутын амжилтаар алтан медаль хүртсэн бол Норвегийн С.Хегстад Хругер, Олон улсын олимпийн хорооны нэрийн өмнөөс оролцож буй ОХУ-ын тамирчин Денис Спицов хүрэл медаль хүртлээ.
Өвлийн олимпийн наадамд анх удаа оролцож байгаа Б.Ачбадрах 2017 онд “В” ангиллын Дэлхийн аварга шалгаруулах тэмцээнээс хүрэл медаль хүртэж, Монгол улсын цанын спортын түүхэнд анхдагч амжилтын эзэн болсон юм. Тэрбээр энэ удаа тэргүүлэгчээс 7 минутын алдагдалтай барианд оржээ.