Д.Төмөрхүлэг, Н.Дагвасүрэн, Б.Тэмүүлэн нар АНЭУ-ын нэрийн өмнөөс барилдана
Ирэх тавдугаар сараас тэд шинэ “эх орныхоо” нэрийн өмнөөс барилдаж эхлэнэ.
Манай гурван сайн жүдоч гадаад орны нэрийн өмнөөс барилдах болжээ. Даваадоржын Төмөрхүлэг, Нямсүрэнгийн Дагвасүрэн, Баттулгын Тэмүүлэн нар Арабын Нэгдсэн Эмират Улсын нэр дээрээс татамид гарахаар болсон байна. Хоёр улсын жүдо бөхийн холбоодын гэрээ хэлэлцээр дуусвал ирэх тавдугаар сараас тэд шинэ “эх орныхоо” нэрийн өмнөөс барилдаж эхлэнэ. Монгол жүдочдыг дэлхий үнэлдэг болсны нэг жишээ энэ юм. Тэднээс өмнө манай эмэгтэйчүүд гадаадад барилдаж эхэлсэн. Эмэгтэйчүүдийн 48 кг-ын жингийн Г.Отгонцэцэг Казахстан, 48 кг-д Э.Базаррагчаа, 52 кг-д П.Буянхишиг, 57 кг-д М.Ичинхорлоо нар Азербайжан улсын нэрийн өмнөөс барилдаж байгаа билээ.