Царай муутай моделиудтай Загварын төв
Энэ төвд модель авахдаа жин, царай зүсний ямар нэг хязгаарлалт тавьдаггүй.
Английн Лондон хотын нэгэн агентлаг буюу Загварын төвд ажилладаг загвар өмсөгчид өнөө үеийн гоо сайхны ойлголттой огт өөрөөр ажилладаг. Тэндхийн моделиудыг сайнаар хэлэхэд өвөрмөц төрхтэй, муулах юм бол эрэмдэг гэхээр. Гэсэн ч тэд тун амжилттай ажиллаж, зарим нь Лондонгийн загварын 7 хоногийн арга хэмжээнд оролцсон.
Энэ төвд модель авахдаа жин, царай зүсний ямар нэг хязгаарлалт тавьдаггүй. Шивээстэй, сэгсгэр үстэй гээд хэн ч байсан болно.
Ажилд орох ярилцлага дээр тэд нүүр амаа үрчийлгэж, ер нь юу ч хийсэн болно.
Агентлагийн эзэн Марк Френч "Бид хувь хүнийг хүндлэн үздэг. Бид хатуу хязгаар, дүрэмтэй загварын ертөнцөд шинэ урсгал оруулж байгаа. Манайд тарган, туранхай, өндөр нам бүх төрлийн модель бий. Танд хэрэгтэй моделийг дор нь олоод өгнө” гэж ярьж байна.
Царай муутай моделийн талаар ярихдаа тэрбээр Францын жүжигчин Жерар Депардьег жишээ болгон авдаг. “Жерар царай муутай ч харизм, хувь хүний онцлогтой. Тэр бусдаас өөр болохоор бүсгүйчүүд түүнд ухаангүй дуртай"
Загварын төв Лондон хотын төвийн дүүрэгт 50 гаруй жил үйл ажиллагаа явуулж байна. Байшингийн ханан дээр Дэвид Боуигийн хөрөг “Төгс биш зүйлд гоо үзэсгэлэн оршиж, ухаангүй галзуурлаас агуу суу билэг төрнө” гэсэн бичигтэй хадаастай байдаг.
Агентлагийн ярилцлагад орохоор халагдсан цэрэг, сорвитой боксчид, хөгжлийн бэрхшээлтэй иргэд ч ирдэг.