ФОТО: Өвлийн говьд сноубордоор гулгасан жуулчид
"Би өвлийн говьд сноубордоор гулгасан анхны хүн болсондоо баяртай байна” гэж сэтгүүлчдэд ярьжээ.
Кивигийн жуулчин Хлоя Филлипс-Харрис “Шинэ юм судлахын тулд амьдарна” гэсэн уриатай хүн. Энэ өвөл тэрбээр багийнхныхаа хамт Монголын говьд сноубордаар гулгаж өнгөрөөжээ. Тэдний багт Шинэ Зеландын 6, Австралийн 2, Америкийн 2 иргэн багтсан бөгөөд Монголын хөдөө нутгаар нийт 300 км аялжээ.
Хлоя “Би Монголд өмнө нь зун очиж байсан. Харин өвөл говиор явмаар санагдаж байлаа. Хасах 40 хэмийн хүйтэнд аялах амаргүй. Нэг өглөө сэрэхэд биднээс 20 метр зайтай үхэр, 4 ямаа хөлдөөд үхчихсэн байсан. Би өвлийн говьд сноубордоор гулгасан анхны хүн болсондоо баяртай байна” гэж сэтгүүлчдэд ярьжээ.