мин

Жерар Депардье ОХУ-ын иргэншлээс гарч, Алжирын иргэн боллоо

Владимир Путин өөрийн гараар зарлиг гаргаж, түүнийг Оросын иргэн болгож, Саранск, Грозный хотод байр өгсөн билээ.

М.Сугар-Эрдэнэ 2018.02.20 39 19 18

Хэдхэн жилийн өмнө ОХУ-ын иргэн болж, олныг шуугиулсан Францын жүжигчин Жерар Депардье Африк тивийн Алжир улсын иргэн болсон байна.
Яагаад энэ улсын иргэн болсон талаараа тэрбээр “Францын хуучин колони энэ орон үнэхээр бахархмаар улс. Ард иргэд нь ухаантай, боловсролтой. Францын эзэмшилд байхдаа уншиж чаддаг хүн бараг байгаагүй орон” гэж ярьжээ.

2013 онд Францад өндөр орлоготой иргэдийнхээ орлогын тал хувийг татварт хураах хууль гаргасны дараа Жерар Депардье ОХУ-ын иргэн болсон юм. Ерөнхийлөгч Владимир Путин өөрийн гараар зарлиг гаргаж, түүнийг Оросын иргэн болгож, Саранск, Грозный хотод байр өгсөн билээ. Гэвч 2015 онд Жерар байраа зарж, Бельгид суурьшсан.
Оросын иргэн болж, байр авч байсан алдарт жүжигчин Алжирын иргэн болсонд оросууд тун ууртай байгаа аж.

М.Сугар-Эрдэнэ 2018.02.20