1 мин

Энэтхэг үхэрнүүддээ паспорт олгоно

Энэтхэг 40 сая үхэртэй. Тэднийг паспортжуулах ажилд 8 сая доллар зарцуулах болсон байна.

М.Сугар-Эрдэнэ 2018.02.21 1 1

2

Энэтхэгт үхэр гэдэг амьтан сахиус л гэсэн үг. Тиймээс тэднийг хэн нэг нь хөнөөх, хохироохоос сэргийлэх зорилгоор паспорт олгох аж. Паспортод тухайн үхэрний нас хүйснээс гадна цусны шинжилгээ ч байх тул хуурамчаар хийхэд тун хэцүү. Ингэхэд хэнээс үхрээ хамгаалж байгаа билээ гэдэг асуулт гарч ирнэ.

Энэтхэгт лалын шашинт үндэстэн цөөнгүй бий. Тэдний хувьд үхэр бол мал, мах. Гахайн мах хориотой тул лалын шашинт энэтхэгчүүдийн гол хүнс. Харин хүн амын ихэнх болох индусүүд сүүг нь ашигладаг ч үхрийг хүнсэнд хэрэглэх, арьсыг нь зарж борлуулахыг эрс хориглодог.
Энэтхэгийн Ерөнхий сайд Нарендра Моди үндэстэн хоорондын зөрчилдөөний нэгэн гол асуудал болсон үхрийн асуудлыг ийнхүү паспортоор шийдэхээр болжээ.
Энэтхэг 40 сая үхэртэй. Тэднийг паспортжуулах ажилд 8 сая доллар зарцуулах болсон байна. Энэ улсад үхрийг хамгаалаад зогсохгүй бүх талаар нь судлан шинжилдэг. Энэтхэгийн Засгийн газарт үхэр сүргийн асуудлыг шийдэх, судлах тусгай хороо байдаг нь 19 хүнтэй.

М.Сугар-Эрдэнэ 2018.02.21

2