Улаан-Үдэд “Баруун Монголын гайхамшигт ертөнц” үзэсгэлэн гарна
Үзэсгэлэн энэ сарын 27-ноос гуравдугаар сарын 18 хүртэл үргэлжилнэ.
Буриадын Улаан-Үд хотын Ц.С.Сампиловийн нэрэмжит музейд “Баруун Монголын гайхамшигт ертөнц” гэрэл зургийн үзэсгэлэн гарах гэж байна. Үзэсгэлэнг манай ГХЯ-ны дэмжлэгтэйгээр Монголын гэрэл зурагчдын холбоо, Буриадын Үндэсний музей хамтран зохион байгуулж байна.
Өнгөрсөн жил тус музейд мөн “Сайхан Монгол” гэрэл зургийн үзэсгэлэн гарч, Монголын шилдэг 50 гэрэл зурагчны уран бүтээлийг толилуулсан билээ.
Энэ удаагийн үзэсгэлэнд 2017 оны зургаадугаар сард Баруун Монголд аялсан монгол гэрэл зурагчдын 80 гаруй гэрэл зураг тавигдана.
Үзэсгэлэн энэ сарын 27-ноос гуравдугаар сарын 18 хүртэл үргэлжилнэ.