мин

Трамп хадмууддаа АНУ-ын иргэншил олгоно

Гэхдээ тэднийг хэзээ Словениос ирсэн, яаж байнга оршин суух эрх авсныг тодруулсангүй.

М.Сугар-Эрдэнэ 2018.02.22 35 7 2

5

АНУ-ын Тэргүүн хатагтай Мелания Трампын эцэг эх удахгүй Америкийн иргэн болох гэнэ. Америкийн Ерөнхийлөгчийн гэргийн хуульч Майкл Уалдс “The Washington Post” сонинд ярилцлага өгөхдөө “Тэргүүн хатагтайн эцэг Виктор Кнавс, эх Амалия нар Америкт хууль ёсоор амьдарч байгаа. Тэд байнга оршин суугчийн үнэмлэхтэй. Удахгүй АНУ-ын иргэншил авах ёслолд оролцоно” гэж хэлсэн байна. Гэхдээ тэднийг хэзээ Словениос ирсэн, яаж байнга оршин суух эрх авсныг тодруулсангүй.

Ерөнхийлөгч Доналд Трамп хууль бус цагаачдын эсрэг хатуу тэмцэж байгаа тул Америкийн хүний эрхийг хамгаалагчид Ерөнхийлөгчийн хадмууд өөрсдөө Америкт хууль ёсны дагуу оршин сууж байгаа юу гэдэгт эргэлзэж байгаагаа илэрхийлсэн байна.
Мелания Трамп Хуучин Югослав улсын бүрэлдэхүүнд байсан Словений Ново-Место хотод төрсөн. 1996 оноос Нью-Йоркт амьдарч байгаа. 2005 онд Трамптай гэрлэж, жилийн дараа АНУ-ын иргэн болсон билээ.

М.Сугар-Эрдэнэ 2018.02.22

5