"IT" киноны хоёр дахь ангийн зураг авалт энэ зун эхэлнэ
За гарах нь дээ.
Өнгөрсөн намар нээлтээ хийж дэлхийн улс орон бүрт кино театрыг дүүргэж байсан уг аймшгийн кино даанч манайд гараагүй. Хүн харамссан зүйлээ хамгийн сайн санадаг гэдэг шиг яагаад гаргаагүй юм бол гээд шууд л таны санаанд бууж байгаа биз дээ? Харин киноны хоёр дахь ангийн зураг авалт энэ зун эхэлнэ гэсэн мэдээ гарсан байна шүү.
Зургаадугаар сарын 18-нд эхлэх тов одоогоор гараад байгаа аж. Арваннэгдүгээр сар хавьцаа гэхэд киноны зураг авалт шувтарч, бэлэн болох тал руугаа хандана гэсэн үг.
"IT" (2017) дэлхийд 700 сая долларын ашиг орлого олсон гэнэ лээ. Бас кино шүүмжлэгчдээс ч сайн үнэлгээ авсан.
Найруулагч Андрес Мускетти нэг ярилцлагадаа хоёр дахь ангийн кино зохиолыг 1 сард бэлэн болгосон гэсэн байна. Мөн гуравдугаар сараас эхлэн бүх зүйлээ бэлдэх гэнэ.
Билл Скарсгорд энэ дүрээ мөн л бүтээх болно!
Хоёрдугаар анги ямар үйл явдал дээр дөрөөлөхийг мэдмээр байна уу?
Спойлер: Эхний анги хүүхдүүдийн тухай, тэдний эргэн тойронд болсон бол хоёр дахь анги тэдгээр хүүхдүүд 30 жилийн дараа насанд хүрсэн том хүн болцгоосон байгааг харуулна. 1989 онд болсон зүйлийн тухай эргэн дурсах маягаар гэсэн үг.
Кино ирэх есдүгээр сар хүртэл гарахгүй. За, хүлээгээд л байждээ.