Якут хүүхдүүд Ди Каприог харзанд орохыг урьлаа
Ди Каприо -62 хэм хүртэл хүйтэрсэн Якутын Оймякон тосгоныхонд санаа зовж байгаагаа илэрхийлсэн юм.
Дэлхийн цаг агаарын өөрчлөлт, экологийн асуудалд ихээхэн анхаарал тавьдаг алдартны нэг нь Холливудын жүжигчин Ди Каприо билээ. Саяхан тэрбээр -62 хэм хүртэл хүйтэрсэн Якутын Оймякон тосгоныхонд санаа зовж байгаагаа илэрхийлсэн юм. Тэрбээр инстаграм хуудсандаа "Оймякон” баримтат кино тавьжээ.
Мөн -40 хэм хүйтэрсэн Хятадын Хэйлунцзян мужийн тухай ч дурссан.
Үүний хариуд ОХУ-ын Якутын Цаг уурын газраас “Манай нутагт -62 хэм хэвийн үзэгдэл. 1933 онд Оймякон тосгонд +71,2 хэм хүйтэрч байсан. Харин одоо маш дулаахан, хөгийн өвөл болж байна. Гадаа дөнгөж -25 хэм" гэж бичжээ.
Якутск хотын нэгэн сургуулийн тулааны урлагийн тамирчин хүүхдүүд ч Ди Каприог санаа зовох хэрэггүй гэж тайтгаруулаад “Бид зүгээр байна. Манайд ирээч. Хамтдаа харзны усанд орцгооё” гэж уриалжээ.