НБА: Клиппэрс багийн хамгаалагч Эври Брэдли бэртэл авлаа
Тэрбээр багадаа нэг, ихдээ гурвал долоон хоног талбайд гарахгүй
Солилцооны цонхны үеэр "Дэтройт Пистонс" багаас "Лос Анжелес Клиппэрс" багт ирээд байсан Эври Брэдли цавиндаа авсан бэртлийн улмаас сүүлийн хоёр тоглолтод оролцоогүй байсан билээ.
Тэгвэл "Лос Анжелес Клиппэрс" багийн ерөнхий дасгалжуулагч Док Риверс түүнийг нэгээс гурван долоо хоног талбайд гарахгүй болсон гэдгийг албан ёсоор мэдэгдлээ. Ингэснээр Брэдли хамгийн багадаа гурван тоглолт, ихдээ арван тоглолт ч өнжиж магадгүй болоод байна. Брэдлиг эзгүйд Остин Риверс, Милос Теодосич нарын талбай дээр өнгөрүүлэх минут ихсэх юм.
Брэдли нь гэрээний сүүлийн жилдээ тоглож байгаа бөгөөд түүний амжилт өмнөх улиралтай харьцуулвал эрс буураад байгаа билээ. Мөн тэрбээр ойр ойрхон бэртэл аваад буй нь түүний амжилт цаашлаад шинэ гэрээнүүдэд нь сөргөөр нөлөөлөх юм.
Эври Брэдли энэ улиралд 14.3 оноо, 2.5 самбараас бөмбөг авалт, 2.0 оновчтой дамжуулалт дундчилж байна.