Dolce & Gabbana дроноор загвар үзүүлэв
Тэд шинэ цүнхний загвараа танилцуулахдаа нэг ч загвар өмсөгч ашигласангүй.
“Dolce & Gabbana” Миланд болсон загварын долоо хоногийн үеэр бүхнийг гайхууллаа. Тэд шинэ цүнхний загвараа танилцуулахдаа нэг ч загвар өмсөгч ашигласангүй. Моделиудын оронд дрон нисэн гарч ирж, загвар үзүүлсэн юм.
Зочдыг ер бусын зүйл хүлээж байгааг үзэгчид Wi-Fi-гаа унтраахыг хүсэхэд ойлгосон. Дрон болгон цүнх үүрч, үзэгчдэд харуулаад буцан одож байлаа. Тэр байтугай эгнэн зогсож, ихэд замбараатай байсан нь ирээдүйд моделиуд ажилгүй болох юм биш байгаа гэсэн бодол төрүүлжээ.
Үүнээс хэдхэн өдрийн өмнө Gucci брэндийн загвар өмсөгчид “өөрийн толгойг” барин гарч ирж, олныг шуугиулсан.