Монголын эдийн засаг 2011 болон 2016


Image Э.Хулан       705

Филиппинийг Монголын дараа орох Азийн хоёр дахь сул эдийн засагтай орон гэж тэмдэглээд, тус улсын Засгийн газрын бонд эзэмшигчид ууртай байгааг “Bloomberg” онцолсон байна. Тэгэхээр Азийн номер нэг сул эдийн засагтай орноор Монгол хэдийнэ шалгарсныг албан бусаар бөмбөрцгийн хамгийн том эдийн засгийн мэдээний агентлаг тодорхойлжээ. 

Эдийн засаг нь сул дорой гэх орчуулгын маягтай, хүнийрхүү үгийн жинхэнэ утгыг мөнгө муутай, зутруу өрнөх болсон саарал өдрүүдээс уншигч Та надтай ижил мэдэрч байгаа болов уу. Хямрал болсноос хойш хүмүүс юм авахаа байсан шүү дээ гэх танил үгийг байрны гадаа ТҮЦ ажиллуулдаг эгч хүртэл хэлэх болов.

Үнэндээ бидэнд дэвжин дээшилж явсан үе бий л дээ. Филиппинтэй биднийг харьцуулдаггүй л байлаа. Дараагийн Саудын Араб нь Монгол юм гэх сэтрийг зүүж явсан 2011 онд манай ДНБ 17.5 хувиар өсөж, дэлхийг гайхшруулж явжээ. Харин 2016 онд өрийн дарамтад орчихсон, өөдөө өгсөх боломжоор хумигдсан суугааг энгийн иргэд мэдрээд эхэлчихсэн байна. 

Тэгвэл эдийн засаг эрчимтэй өссөн 2011 болон 2016 онд Та бидний амьдралд ямар өөрчлөлт орсныг талх тарианы үнэнээс хамтдаа сонирхоцгооё. 

Эдийн засаг өндөр өсөлттэй байсан тэр цагт бид Атар талхыг 650 төгрөгөөр авч иддэг байжээ. Харин одоо дунджаар 1160 төгрөгөөр авч байна. Таван жилийн дотор Атар талхны үнэ 78.5 хувиар өссөн байна. 

 

 
Untitled chart
Create column charts

 

Цагаан болон шар будааны үнэ

 

 
Untitled chart
Create column charts

 

Ургамлын тосны үнэ

 

 
Untitled chart
Create column charts

 

Эх сурвалж: Нийслэлийн статистикийн газар

Эдийн засаг эрчимтэй өсөж байсан мөнөөх он жилүүдтэй харьцуулахад талх тариа, гурил будааны үнэ бүгд л өсөж. Нөгөө талаас үнийн өсөлтөд “ногоон” чангарч буй нь тодорхой хэмжээгээр нөлөөлдгийг уншигч Та гадарлаж байгаа болов уу. Тэгвэл 2011 оны арваннэгдүгээр сард ам.долларын ханш дундаж ханш 1323.42 төгрөгтэй тэнцэж байв. Харин өдгөө 2434.32 төгрөг болжээ. 


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.


НӨАТ-ын баримт бүртгүүлэхэд өөрчлөлт оржээ

Гар утасны дугаар өөрчлөгдөх бол Ebarimt.mn дэх бүртгэлтэй утасны дугаарыг мөн өөрчлөх шаардлагатай.

Э.Намуун

Их уншсан