Амьтад яаж унтдаг вэ
Харин зарим төрлийн дун хэдэн жил унтдаг гэнэ.
Хүн төрөлхтөн байгаль дэлхийгээ бүрэн судлаж дууссан мэт санагдавч одоо ч тайлагдаагүй нууц сонин зүйл их байна. Жишээ нь, амьтад хэрхэн унтдаг юм бол гэсэн асуулт байна. Нээрээ бид амьтдыг хэрхэн унтдагийг мэдэх билүү?
Анааш хэдэн долоо хоногийн турш унтахгүй явж чаддаг. Үүнийхээ ачаар махчин араатны хоол болдоггүй гэж эрдэмтэд тайлбарласан. Анааш заан, адуу, тахийн нэгэн адил зогсоогоороо унтдаг.
Харин зарим төрлийн дун хэдэн жил унтдаг гэнэ. Египетийн цөлд нэгэн удаа дун олоод музейд үзмэр болгон байрлуулжээ. Бүтэн дөрвөн жил үзэгчид тэрхүү дунг харж сонирхсон. Харин тав дахь жилдээ дун сэрээд шилэн хоргоноос гараад явсан гэдэг.
Аварга загас байнга хөдөлгөөнтэй байх ёстой. Унтаж байхдаа ч хөдлөхгүй бол амьсгалж чадахгүй. Унтаж байхдаа аварга загас сэлж байдаг ч тархи нь унтсан байдаг аж.
Аварга загаснаас ялгаатай нь мэлхий унтахдаа бараг амьсгалахаа больдог. Биеийн ихэнх хэсэг нь хөдөлгөөнгүй болж, чухал эрхтнүүд нь тусгай бодисоор тэжээгдэнэ.
Араатан амьтад хаа дуртай газраа унтаж болох ч харин тэдний идэш болохгүйн тулд бусад амьтад болгоомжтой байхгүй бол болохгүй. Нугас сүргээрээ унтдаг бөгөөд хамгийн захад хэвтэж байгаа нугаснууд нэг нүдээ нээсэн чигтээ унтдаг. Араатан амьтан дөхөн ирэхэд бусдыгаа сэрээх үүрэгтэй.
Далайн гахай, халим унтаж байгаад живчихгүйн тулд нэг тархиа амрааж, нөгөөг нь сэрүүн байлгадаг байна.
Минж унтахдаа төөрөхгүйн тулд нэг нэгнийхээ гарыг барьж унтдаг.