мин

“Эрдэнэт үйлдвэр”-ийн 49 хувийг төрийн мэдэлд шилжүүлсэн нь Үндсэн хууль зөрчөөгүй гэж үзлээ

Үндсэн хуулийн цэцийн дунд суудлын хуралдаан боллоо.

Э.Намуун 2018.02.28 47 28 2

Өнөөдөр Үндсэн хуулийн цэцийн дунд суудлын хуралдаанаар “Эрдэнэт үйлдвэр” ХХК, “Монголросцветмет” ХХК-ийн талаар авах зарим арга хэмжээний тухай” Улсын Их Хурлын 23 дугаар тогтоол Үндсэн хууль зөрчсөн эсэхийг хэлэлцэн шийдвэрээ танилцууллаа. Шийдвэрийг ҮХЦ-ийн гишүүн Д.Сугар уншиж танилцууллаа. 

“Эрдэнэт”-ийн 49 хувийг төрд шилжүүлэх УИХ-ын тогтоол эцэг хуулийг зөрчөөгүй гэж шийдвэрлэв. Учир нь "Монгол зэс" корпорац 49 хувийг худалдаж авахдаа Монгол Улсын хуулийг зөрчсөн тул өмчлөх эрх бүрдэхгүй гэж ҮХЦ-ийн 5 гишүүн үзлээ.   

Талууд дунд суудлын хуралдааны дүгнэлтийг хүлээн зөвшөөрөхгүй бол Их суудлын хуралдаанаар хэлэлцүүлэх боломжтой юм байна.

Мөн "Эрдэнэт үйлдвэр" ХХК-ийн 49 хувийг төрийн мэдэлд авсан тохиолдолд "Монголын зэс корпораци"-ийн ОХУ-д төлсөн төлбөрийг төлж барагдуулах үүрэгтэй гэдгийг онцоллоо. Энэ дүгнэлтийг дараагийн чуулганы хуралдаан эхэлсэн өдрөөс хойш 14 хоногийн дотор хэлэлцэж хариу ирүүлэхийг УИХ-д уламжлав.

Э.Намуун 2018.02.28