Зөвхөн нягтлан бодогчдын л ойлгох 9 зовлон
1. Татвар болон нийгмийн даатгалын шалгалт орох тухай байцаагч мэдэгдэх үед.
2. “Яана аа” гээд сандарч байхад хамт олон нягтлангийн ажлын нэг хэсгийг ч ойлгохгүй байх тэр мөч.
3. Жил бүр Цагаан сар болон наадмаар тайлангаа хийж, ажил дээрээ хонож, өнжих хэрэгтэй болох үед.
4. 100 айл, зах, худалдааны төвд ажилладаг хүмүүс хүчин төгөлдөр бус баримт өгөөд байхад татварын байцаагчид байгууллагын нягтлангуудыг буруутгах үед.
5. Үнэндээ татварын байцаагчид хүчин төгөлдөр бус баримт хийж байгаа хүмүүсийг л торгож, алданги тавих ёстой шүү дээ гэж бодоод л.
6. Нягтлангийн ажлын байрны тодорхойлолтод огтхон ч заагаагүй хүний нөөц, оффис менежерийн ажлыг давхар гүйцэтгүүлчихээд, юу ч бодохгүй байгаа хүмүүсийг хараад. Болоогүй ээ, чиний ажил хийхгүй байгааг гайхах тэр үед.
7. Танай ажлынхан чамайг бүгдийг мэднэ гэж боддог. Цалингийн зээл авахад юу бүрдүүлэх вэ, гадагшаа явах гэсэн юм, пасспортоо яаж сунгуулах вэ гэх мэт асуултын хариуг чи мэдэж байх ёстой болдог.
8. Цалингийн задаргааны тухай ажилтанд бөөн юм болж, баахан тайлбар тавьсны дараа “Тоог нь хэлэхгүйгээр тайлбарлаад өгөөч” гэх үед.
9. Нийгмийн даатгал болон ХХОАТ таны орлого бүрээс манай байгууллага суутгах үүрэг хуулийн дагуу хүлээдэг юм гэж хэлсний дараа хүмүүс “Төлөхгүй байж болох уу?” гэж асуух тэр мөч.
ЭЦЭСТ НЬ, энэ бүх зовлон бэрхшээлийг туулсан ч, та бол байгууллагаа нуруундаа үүрч яваа хүн гэдгийг хамт олон тань мэдэж байгаа гэдэгт эргэлзэх хэрэггүй. Хайр нь дотроо, хал нь гаднаа шүү дээ.