3 мин

НБА: Лэброн Жэймсийн тухай таны мэдэх ёстой 20 зүйл

Хаан Жэймс.

2018.03.01

НБА-ийн од Леброн Жеймс 2003 онд драфтын тэргүүн сонголтоор НБА-д хөл тавьж байсан билээ. Улирлын болон финалийн үнэ цэнэтэй тоглогчоор нэрлэгдээд байсан тэрбээр өнөөдөр олон олон амжилтуудын эзэн юм. Мөн тэрбээр "Брүүклин Нэтс"-ийн эсрэг тоглолтод 31 оноо, 12 самбараас бөмбөг авалт, 11 оновчтой дамжуулалт хийсэн үзүүлэлтээр бас дахин нэг рекордыг эзэмшжээ. Тодруулбал, 30000 оноо, 8000 с.б.а, 8000 о.д хийсэн цор ганц тоглогчоор нэрлэгдээд байна. Энэ цаг үеийн хамгийн шилдэг тоглогчоор нэрлэгдээд буй Лэброн Жэймсийн талаар 20 баримтыг та бүхэндээ хүргэж байна.

1. Лэброн Рэймон Жэймс нь 1984 оны арванхоёрдугаар сарын 30-ны өдөр АНУ-ын Охио мужийн Акрон хотод төржээ.

2. Түүний ээж Глория Жэймс нь 16 настайдаа Лэброныг төрүүлсэн юм.

3. Түүнийг сагсанбөмбөг сонирхогчид "Хаан Жеймс" нэрээр нь мэддэг.

4. Лэброн Жэймс дөрөвдүгээр ангид байхдаа хичээлийн жилийн нийт 160 өдрийн 82-ыг нь тасалж байсан гэдэг. Учир нь түүний ээж Глория Жеймс эмх замбараагүй байдал үүсгэж танхайрсан хэргээр долоон хоногийн хорих ял сонсoж байсан юм.

5. Жэймсийн анхны хүүхэд 10-р сард төрсөн. Харин хоёр дахь хүүхэд нь зургаадугаар сард төрсөн юм. Энэ нь Лэброн Жэймс “Миами Хит” багт байхдаа зургаа дугаарыг сонгосон шалтгаан нь юм.

6. Хаан Жэймс нь өнөөдөр гурван хүүхдийн эцэг. (хоёр хүү, нэг охин)

7. Тэр баруун гараараа шидэлт гүйцэтгэдэг ч зүүн гараараа идэж, бичиж чаддаг нэгэн.

8. 2014 онд “Forbes” сэтгүүл Дэлхийн хамгийн хүчирхэг тамирчнаар Жеймсийг нэрлэж байсан.

9. “Apple” компани 2014 оны зургадугаар сард “Beats” электрониксийг гурван тэрбумаар худалдаж авсан билээ. Харин Жэймс тус компаниас маш бага хувьцааг эзэмшдэг байсан бөгөөд тус хувьцааг нь түүнээс 30 сая доллараар худалдалж авсан байна.

10. Тэрбээр Английн Премьер Лигийн “Ливерпүүл” клубийн хувьцааг эзэмшдэг.

11. Хэдийгээр Жэймс Охио мужид төрсөн ч Нью-Йоркийн “Yankees”, “Чикаго Буллз”, “Даллас Ковбойс” багуудын үнэнч хөгжөөн дэмжигч юм.

12. Жэймс НБА-ийн улиралын болон финалийн үнэ цэнэтэй тоглогч, Олимпийн алтан медальтай түүхэн дэх хоёр дахь тоглогч юм. Түүний дээр Майкл Жордан байдаг.

13. Лэброн 29 настайдаа НБА-ийн плэйоффд 4000 дахь оноогоо авч байжээ.

14. Түүний 10 жилдээ дуртай байсан хичээл бол уран зураг юм.

15. Жеймс 2003 оны НБА-ийн драфтын тэргүүн сонголтоор "Кливленд Кавалерьс" багт сонгогдож байжээ.

16. Леброн Жеймс нь Vogue сэтгүүлийн нүүр хуудсанд багтсан Африк-Америк анхны хүн болж байсан юм.

17. Тэрбээр НБА-ийн түүхэнд нэг тоглолтод 40 оноо авсан анхны залуу тоглогч болж байсан билээ.

18. Хаан Жэймс өнөөдрийн байдлаар Coca-Cola, Nike, McDonald's, Samsung, Audemars Piguet, Dunkin Donuts-тэй хамтран ажиллаж байна.

19. Лэброн Жэймс 27 насны төрсөн өдрийн баяр болон шинэ жилийн өмнөх үдэшлэг дээр ахлах сургуульдаа хайртай байсан Саванна Бринсонд гэрлэх санал тавьсан юм. Тэр хоёр 2013 оны есдүгээр сарын 14-нд Сан Диего хотод хуримаа хийсэн билээ.