1 мин
Косэй Иноүэ шүүгчдийг шүүмжиллээ
Тус жинд аварга тодролгүй, хоёр мөнгөн медаль гардуулж, сүлд дуулал ч эгшиглээгүй хачирхалтай медаль гардуулах ёслол болсон.
М.Сугар-Эрдэнэ
32 
26 
22 
Японы жүдо бөхийн шигшээ багийн ахлах дасгалжуулагч Косэй Иноүэ "Дюссельдорф Их Дуулга” тэмцээний шүүлт тааруу байсан талаар Японы хэвлэлд ярилцлага өгсөн байна. Ялангуяа +100 кг буюу хамгийн хүнд жингийн финалын барилдааны шүүлтийг хатуу шүүмжилжээ.
Финалд Японы хоёр бөх үлдсэн ч Такеши Ожитани, Хисаеши Харасава нарыг шүүгч идэвхгүй барилдлаа хэмээн тус бүр гурав торгон, хансокү макэ болгон хассан билээ. Тус жинд аварга тодролгүй, хоёр мөнгөн медаль гардуулж, сүлд дуулал ч эгшиглээгүй хачирхалтай медаль гардуулах ёслол болсон. Ийнхүү шинэ дүрмийн анхны хэлмэгдэгчид нь тэд болсон юм.
Косэй Иноүэ “Спортыг эрч хүчтэй болгохыг хүсч байгааг нь ойлгож байна. Гэхдээ манай хоёр тамирчныг ингэж торгох ёсгүй байсан. Үзэгчдийн хамгийн их үзэхийг хүсдэг жин бол +100 кг. Хүнд жингийнхэн чинь хөнгөн жингийнхэнтэй адил хурдан шуурхай довтолж чадахгүй. Хэрэв энэ маягаар шүүгээд байвал хүнд жингийнхэн хэцүү байдалд орно. Үзэгчдийг татдаг хүнд жингийн онцлог байхгүй болох аюултай” гэж ярьжээ.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа