Pizza Hut-ийн пицца захиалдаг пүүз
Энэ пүүзний хэлэн дээр хоёр товчлуур байх бөгөөд ухаалаг утастай Bluetooth-гээр холбогдоно.
Гутал, пүүзийг явахад л хэрэгтэй зүйл гэж боддог байсан үе ард хоцорчээ. Америкийн пиццаны хамгийн том сүлжээ болох Pizza Hut компани пицца захиалдаг шинэ пүүз зохион бүтээсэн байна. Шинэ пүүз пиццанаас гадна таны зурагтыг удирдах авьяастай.
“The Pie Tops II” хэмээх энэ пүүзний хэлэн дээр хоёр товчлуур байх бөгөөд ухаалаг утастай Bluetooth-гээр холбогдоно. Баруун товчлуур дээр дарахад пицца захиалж, зүүн товч телевизорыг удирдана.
Цөөн тоогоор үйлдвэрлэх тул орон орны пүүз сонирхогчид хэдийнэ дараалан зогсож байгаа гэнэ. Үнэ тодорхойгүй ч захиалгыг HBX цахим хуудсаар авч байна. Мөн Pizza Hut азтай үйлчлүүлэгч шалгаруулан шагнах төлөвлөгөөтэй байгаа гэнэ.