Криштиану Роналдугийн шинэ пүүз
Louis Vuitton-ий захирал асан Ким Жонс бүтээжээ.
“Nike” брэндээс алдарт хөлбөмбөгч Криштиану Роналдугийн ойрын үед өмсөх шинэ пүүзийг танилцууллаа. Mercurial Superfly 360 x Kim Jones хэмээх энэ пүүзийн загварыг Louis Vuitton-ий захирал асан Ким Жонс бүтээжээ.
Ким Африкт өссөн хүн. Геологч байсан ааваа дагаад Кени, Ботсван улсуудаар аялаж, хар тивийн байгалийн сайханыг шүтэн биширчээ. Роналдугийн пүүзэн дээрх гепардын толбо Африкийн ан амьтдаар бахархдаг сэтгэлийг нь илэрхийлж байгаа гэж Ким ярьж байна.
Дизайнерийн нэр пүүзний ар, дотор хэсэгт бичээстэй байгаа.