Энэ жилийн “Оскар”-ыг хамгийн бага хүн үзжээ
Харви Вайнштейний хэрэгтэй холбон тайлбарлаж байна.
90 дэх удаагийн “Оскар”-ын шагнал гардуулах ёслолын ажиллагааг түүхэнд байгаагүй цөөхөн хүн үзжээ. “The Hollywood Reporter”-ийн мэдээллээс үзэхэд энэ жилийн ёслолыг телевизээр 26,5 сая хүн үзсэн нь өнгөрсөн жилийнхээс 19 хувиар бага байсан байна.
Энэ жилийн ёслолоос өмнө хамгийн бага хүн үзсэн “Оскар” 2008 онд болж байлаа. Гэхдээ тэр үед 31,8 телевиз үзэгч сувгаа Оскар дээр тавьсан байсан. Хамгийн олон хүн үзсэн “Оскар” бол 2014 оны ёслол. Леонардо Ди Каприогийн ээлжит нэр дэвшилт “Оскар”-т хүрэх болов уу хэмээн олон хүн сонирхож байсан билээ. Ди Каприо ч Мэттью Макконахид ялагдан, ээлжит хожигдлоо хүлээж байв.
Энэ жил яагаад үзэгч ийм бага байсан талаар шинжээчид өнгөрсөн жил гарсан Харви Вайнштейний хэрэгтэй холбон тайлбарлаж байна. Хэрэгт холбогдсон олон жүжигчин ёслолд ирээгүй бол том одод ил тодоор бойкот зарласан юм. Мөн “Оскар”-т дэвшсэн бүтээлүүд дотор үнэхээр сайн чанартай кино цөөхөн байсан нь нөлөөлжээ.