Загварын ертөнцийн шинэ од Луна Бийль
Амстердамын гудамжнаас олдсон “оготнын нүхэн дэх сувд”.
Карл Лагерфельдийн шинэ модель Луна Бийль гэж хэн бэ? Загвар өмсөгч нарын дунд “Хэрэв шоуны дараа чамтай хамт Карл Лагерфельд тайзан дээр гарч ирвэл удахгүй чи дэлхийн хэмжээний од болно” гэсэн яриа байдаг. Кендалл Женнер, Лили-Роуз Депп, Жижи Хадид нар ингэж л алдаршсан. Карл Лагерфельдийн хамгийн сүүлд од болгосон модель бол Кайя Гербер. Кайя ирэх намар Chanel-тай хамтран ажиллахаар болсон билээ.
Харин өнөөдөр болсон загварын шоун дээр Карл огт өөр шинэ модель дагуулан гарч ирсэн нь 19 настай Луна Бийль байлаа. Түүний инстаграм 80 мянган дагагчтай. Амстердамын гудамжнаас олдсон “оготнын нүхэн дэх сувд”. Энэ улирал тэрбээр Moschino, Balmain, Off-White-д гялалзсан. Гэхдээ түүний цаашдын ирээдүй Карл Лагерфельдээс шалтгаална. Дэлхийд дахин нэг супер модель төрөн гарах цаг айсуй.