НБА: Ахлах сургуулиасаа шууд НБА-д тоглох боломж нээгдэнэ
НБА коммисар Адам Силвер мэдээлэл хийлээ.
Үндэсний сагсанбөмбөгийн холбооны комиссар Адам Силвер коллежийн тоглогчдыг драфтлахад сул тал ихтэй талаар өмнө нь дурдаж байсан. Тодруулбал, ахлах сургуульдаа өндөр амжилт үзүүлсэн ч коллежид элсэж чаддаггүй тоглогч их байгаа юм. Энэ нь сагсанбөмбөгийн ур чадвар сайтай ч санхүү болон хичээлийн сурлагын асуудлаас болж коллежид оролгүй өнждөг асуудал билээ. Нөгөө талаас ил болоод байсан коллежийн дасгалжуулагч, менежерүүдийн авилгын хэрэг үүнтэй холбогдож байна. Тиймээс НБА драфтын системдээ өөрчлөлт оруулж ахлах сургуульдаа өндөр амжилт үзүүлсэн тоглогч коллежид биш шууд НБА-д тоглох боломжийг бүрдүүлэх хэрэгтэй гэж Адам Силвер мэдэгджээ. Гэхдээ зөвхөн онцгой амжилт үзүүлсэн тоглогчдод энэ боломж нээгдэх юм.