Буутай орос бизнесмен хөлбөмбөгийн тоглолтыг зогсоов
Цагдаа нар түүнийг зогсоон саатуулаагүй бол шүүгчийг буудахад бараг бэлэн байлаа.
“Грекийн ПАОК багийн эзэн, орос бизнесмен Иван Саввиди хөлбөмбөгийн талбай дээр буутай гарч ирэн, тоглолт зогсоолоо” гэж Sport24.gr мэдээллээ.
Грекийн АШТ-д тэргүүлж байгаа ПАОК, АЕК багуудын тоглолтын 90 дэх минутад шүүгч Гиоргос Коминос отон тоглолт хэмээн ПАОК-ийн хийсэн гоолыг тооцсонгүй. Уурлан хилэгнэсэн Саввиди шүүгч рүү дайран “Чи үхдэл болно” гэж хашгарч байсан бөгөөд бүсэндээ байсан гарбууг гаргах гэж оролджээ. Цагдаа нар түүнийг зогсоон саатуулаагүй бол шүүгчийг буудахад бараг бэлэн байлаа.
АЕК-ийн тоглогчид ийм нөхцөлд тоглохгүй гээд талбайг орхиж одсон бөгөөд Грекийн хөлбөмбөгийн холбооноос энэ хэргийг удахгүй хэлэлцэж, шийтгэл оноохоор болжээ.