Баян-Өлгий, Завхан, Хөвсгөлд хаврын АНХНЫ БОРОО оржээ
Хаврын анхны бороо орлоо.
"Гуравдугаар сарын 11-12-нд шилжих шөнө Баян-өлгий аймгийн Булган, Завхан аймгийн Тосонцэнгэл, Хөвсгөл аймгийн Мөрөн, Ренчинлхүмбэ, Шинэ-Идэр сумдын нутгаар 0.0 - 2.0 мм бороо орлоо" хэмээн хаврын анхны бороо орсон нутгуудыг Ус цаг агаар, орчны мэдээ мэдээлэл хуудсаар мэдээллээ.
Түүнчлэн зарим хүмүүс Булган аймагт бороо орсон тухай мэдээллийг хуваалцсан байна.
Хөвсгөл аймагт ганц ороод зогсоогүй бололтой.
Орон нутагт бороо ороод эхэлсэн ч Улаанбаатарт ойрын тав хоногт бороо орохгүй аж.
Ингээд та бүхэнд дуучин Б.Сарантуяагийн "Бороо" дууг хүргэж байна.