мин

2 жил завсарласан “American idol” тэмцээний шинэ дугаар цацагдлаа

Америкийн шүтээн шоу нэвтрүүлэг 16 дахь удаагийн улирлын дугаараар үргэлжлэн гарна.

Ub.life 2018.03.13

АНУ-ын хамгийн том шоу нэвтрүүлгүүдийн нэг “American idol” 2016 онд 15 дахь улирлаа амжилттай цацсанаас хойш ахин цацагдахгүй гэж албан ёсоор мэдэгдээд байсан. Тэгвэл "FremantleMedia"-ын бүтээл болох “American idol” шоу 16 дах улирлаа хүргэхээр болжээ.

Өнгөрсөн Ням гарагт 16 дахь улирлын нээлтийн дугаар ABC телевизээр үзэгчдэд хүрлээ.

Үзэгчдийн тоо буурч, шоуг бүтээх зардал өссөн нь шоуг дуусгах гол шалтгаан байжээ. Fox телевизээр цацагддаг байсан тус шоуны эрхийг ABC телеивизэд албан ёсоор өгчээ. Харин Fox телевизийн хувьд The Four нэртэй цоо шинэ, өөр хэв маягтай дууны тэмцээнийг энэ онд амжилттай эхлүүлэн эхний улирлын дугаар дууссан байна.

Шоу цацагдах сувгийн хувьд өөрчлөгдсөн ч шүүгчдийн тоо болон хөтлөгчийн хувьд өөрчлөгдсөнгүй. Шоуг эхэлсэн цагаас хойш хөтлөн явуулж буй Райн Сикрест хөтлөгчийн ажлаа үргэлжлүүлэх юм.

Нэвтрүүлгийн уран бүтээлчид тус шоуны хамгийн анхны ялагч болох дуучин Келли Кларксоныг шүүгчээр авах эрмэлзэлтэй байсан ч NBC телевизийн The Voice шоу аль хэдийн “өндөр” өртгөөр шүүгч болгон авчихсан байжээ. Харин 25 сая ам.доллараар дуучин Кети Перриг шүүгчээр сонгосон аж.

Райн Сикрест 12 сая ам.долларын цалинтай бол бусад шүүгчид болох Люк Брайан, Лайонел Ричи нар 12 сая ам.доллар, 10 сая ам.долларын цалинтай тус тус ажиллах юм.

Шоу оргил үедээ буюу 2006 онд долоо хоногт 30 гаруй сая үзэгчтэй байжээ.