Эмзэг хүн бүрийн сайн ойлгох 18 төрлийн СЭТГЭЛ ГУТРАЛ
Танд аль нэг нь танил санагдаж байна уу?
1. "Өглөө гудамжинд таарсан нохой одоо хаана байгаа бол?" төрлийн гутрал.
Илрэх үе: Хүнд бэрх амьдралтай хүмүүс, өвчин зовлонтой амьтдын зураг бичлэгийг үзэх, гудамжинд таарахад илэрнэ.
2. "Хэн ч намайг хайрладаггүй" төрлийн гутрал.
Илрэх үе: Олон нийтийн газарт хүмүүс таныг харж байсан ч хамаагүй. Гэнэтхэн сэтгэл хөдөлж, уйлмаар болохын зэрэгцээ жилийн өмнө хэн нэгний хэлсэн гунигтай үгс санаанд орно.
3. "Биеийн байдал муу тул уйлмаар байна" төрлийн гутрал.
Илрэх үе: Эмэгтэйчүүдэд сарын тэмдэг, эрчүүдэд гэнэтийн гутрал хэлбэрээр тохионо. Бага зэргийн толгой өвдөх, зүрх дэлсэх шинж илрэх бөгөөд энэ үед амттан идэх хүсэл ихээр төрж, гутралд автана.
4. "Дэргэдүүрээ зөрсөн өвөө эмээ хоёрыг хараад насан туршийн хайр сэтгэл ийм л байдаг байхдаа гэж бодон, сэтгэл огшиж, "Би ч бас нэг л өдөр..." гэх хязгааргүй мөрөөсөлд автах" гутрал.
Илрэх үе: Гудамж талбайд, харанхуй шөнө ганцаар гэртээ харихдаа, гэртээ ганцаар унтахаар хэвтэх үед тохионо. Өөрөөр бол, ганцаардал гэж нэрлэдэг.
5. "Битгий уйлаад бай, би ч бас уйлах гээд байна" төрлийн гутрал.
Илрэх үе: Өөр хүн уйлах үед хэзээ ч байж болно.
6. "Миний таньдаг хүнд хэцүү зүйл тохиолдсон. Тэр уйлахгүй байгаа тул би хоёр биенийхээ өмнөөс уйлж байна".
Илрэх үе: Сайн найз, дотны хүнийхээ өмнөөс гутрах, гуниглахад илэрнэ.
7. "Би ууртай байгаа ч уйлмаар байна".
Илрэх үе: Та дунд сургуулийн багш байлаа гэж бодъё. Олон хүүхдүүдийг чимээгүй байлгах гэж хэрэндээ л хичээсэн ч эцэст нь уур уцаараар өндөрлөнө. Удалгүй уур нь гутралаар солигдож, чимээгүйхэн нулимс дуслуулан сууна.
8. "Хэн нэгэн надад сэтгэл гаргасан бол би уйлахгүй байх байсан юм" төрөл.
Илрэх үе: Та хэвийн л байсан. Гэвч фэйсбүүкээ сайн найзыгаа өөр найзтай болсныг, хамтдаа гайхалтай аялсныг, төрсөн өдрийг нь таныхаас илүү сайхан тэмдэглэснийг олж харна.
9. "Уурлаагүй байхад битгий уурлаад бай гэхэд төрөх" гутрал.
Илрэх үе: Таныг зүгээр байхад тэд "Битгий уурлаад бай" гэж хэлсэн. Улмаар та уурлаж, бүр ч ихээр мэгшин уйлах болно.
10. "Бүх зүйл бүтэлгүйтэж, үхмээр санагдаж байна" төрлийн гутрал
Илрэх үе: Өсвөр насанд өдөр бүр.
11. "Би түүнд хайртай байсан" төрлийн гутрал.
Илрэх үе: Үргэлж маргалдаж, хэрэлддэг хүн чинь хол явах болоход л түүнийг өөртөө таалагддаг байсныг ухаарна.
12. "Өнгөрсөнд би илүү жаргалтай байжээ" төрлийн гутрал.
Илрэх үе: Гэрэл зургийн цомгоо үзэж байгаад, эсвэл өнгөрсөнтэй холбоотой жижиг зүйл гарч ирэхэд одоогийн өөрийгөө өнгөрсөнтэй харьцуулж "одоо цаг"-ийг аз жаргалгүйгээр мэдэрнэ.
13. "Шөнөжин уйлахаас өөр хийж чадах зүйл алга"
Илрэх үе: Дөнгөж төрсөн өдрөө тэмдэглэсний дараа, төгсөлтийн баярын маргааш гэхчлэн эгзэгтэй үеүүдэд өөрийгөө голж, гутрах, ирээдүйгээс айх мэдрэмжид автана.
14. "Хангалттай хүнд өдрийг туулчихаад байхад энэ л биш шүү" төрлийн гутрал.
Илрэх үе: Өглөө таксины жолоочтой хэрэлдсэн, тиркогоо урсан, зам гарч яваад усаар цацуулсан гээд бүтэлгүй зүйлүүд ар араасаа цуврах үед.
15. Ном, кино, жүжгээс шалтгаалсан гутрал
Илрэх үе: Ямар ч хамаагүй урлагийн бүтээл үзэж, мэдрэх үед.
16. "Яагаад уйлсан юм бэ? гэж асуумагц нь уйлмаар санагдах" төрлийн гутрал.
Илрэх үе: Хэт их гутралын үед өөр хүн яриа өдөхөд тохиолдоно.
17. "Маш чухал амжилт гаргачихаад байхад хэн ч тоохгүй байна".
Илрэх үе: Та маш чухал ажил амжуулж, бүгд өөрөөр тань бахархах байхдаа гэсэн төсөөлөлтэй байсан. Гэвч хэн ч таныг тоогоогүй тул сэтгэлээр унаж, гутрах болно.
18. "Би уугаагүй ээ" төрлийн гутрал
Илрэх үе: Согтууруулах ундаа хэрэглэх үед бүх зүйл утгагүй санагдаж эхэлнэ.
Эх сурвалж: Buzzfeed.com