1 мин

3,4-р курсын оюутнуудад зориулсан "МЕНТОР ӨДӨРЛӨГ" болно

Их сургуулийн бакалаврын ангид сурч байгаа 3 болон 4-р курсын оюутнуудад зориулсан хагас өдрийн үнэ төлбөргүй арга хэмжээ зохион байгуулагдана.

Ub.life 2018.03.13 47 22 21

16

Монгол дахь Америкийн худалдааны танхим "АмЧам Монгол" байгууллагаас оюутан залуустаа зориулан энэ сарын 31-ний бямба гарагт "Ментор өдөрлөг"-ийг зохион байгуулах гэж байна. Бакалаврын ангид суралцаж байгаа 3, 4-р курсын оюутан, ахлах ангийн сурагчдад зориулсан эл өдөрлөг үнэ төлбөргүй явагдах юм. 

Өнгөрсөн жилийн арга хэмжээний илтгэгчид: Вагнер Ази Автомотив ХХК-ийн гүйцэтгэх захирал Гаррет Вилсон болон Голомт банкны гүйцэтгэх захирал Ө. Ганзориг

Өдөрлөгт хамрагдсанаар CV буюу ажлын намтар хэрхэн бичих, ажлын ярилцлагад орохдоо юуг анхаарах гээд бүх талын мэдээлэлтэй болохоос гадна ажлын байранд өөрийгөө бэлтгэх зэрэг хэрэгцээт зөвлөгөөг мэргэжилтнүүдээс авах боломжтой. Томоохон байгууллагуудын удирдах албан тушаалтнууд оюутнуудтай өөрсдийн мэдлэг, туршлагаас хуваалцах панел хэлэлцүүлэг ч болох юм.

Бүртгүүлэх холбоос: Энд дарна уу

Бүртгэлийн сүүлийн хугацаа: 3 сарын 16

Бүртгүүлэгчдээс шаардагдах шалгуур:

• Их дээд сургуулийн бакалаврын ангийн 3, 4-р курсын оюутан байх
• Англи хэлний мэдлэг сайн байх

Дэлгэрэнгүйг эндээс харах боломжтой. 

Бэлтгэсэн: Х. Ичинхорлоо. 

Ub.life 2018.03.13

16