“Seth Glier Trio” хамтлагтай хамтран тоглох монгол уран бүтээлчийг хайж байна

 

Та Грэммийн шагналд нэр дэвшсэн Америкийн хөгжмийн хамтлагтай тайзнаа мөр зэрэгцэн хамтран тоглохыг хүсч буй Монгол хөгжимчин, уран бүтээлч мөн үү? 

 

Хэрвээ тийм бол, танд дуулгах алтан боломж байна! Сэт Глиерийн Гурвал энэ оны дөрөвдүгээр сарын 6-8-нд Улаанбаатарт аялан тоглолт хийх үеэр Монголын уламжлалт болон орчин үеийн хөгжимчид, уран бүтээлчидтэй тайзнаа хамтран тоглохыг хүсч байна.

 

Улаанбаатар дахь АНУ-ын ЭСЯ нь бүх төрлийн хөгжмийн стиль, хэв маягаар тоглодог дотоодын хөгжимчдийг хамтран ажиллах саналаа ирүүлэхийг хүсч байна. Сонирхсон уран бүтээлч, хөгжимчид нь АНУ-ын Төрийн Департаментын Боловсрол, соёлын товчооны ивээн тэтгэдэг “Америк хөгжмийг гадаадад” хөтөлбөрийн хүрээнд Монгол улсад айлчлан тоглолт хийх “Сэт Глиерийн Гурвал” хамтлагтай хамтран тоглох саналаа ирүүлээрэй. Хөгжмийн хамтарсан уран бүтээл, хөгжмийн шинэ соргог аранжировк дээр хамтран ажиллах, шинэлэг бүтээлийг толилуулах зорилго бүхий саналыг бид дэмжих болно.

 

Амжилттай саналын эзэд Сэт Глиерийн Гурвалтай ирэх сарын 7-нд Улсын филармонийн тайзнаа концертод хамтран тоглох боломжтой болно. Саналаа ирүүлэх уран бүтээлч, хөгжимчдийг соёлын солилцоогоор дамжуулан хоёр орны хамтын ажиллагаа, харилцан ойлголцол, тогтвортой харилцааг хөгжүүлэх нийтлэг зорилготойгоор тус хамтлагтай ижил төстэй, эсвэл тэс ондоо хөгжмийн урсгал, жанраар уран бүтээл туурвих чадамж дээр нь үндэслэн сонгон шалгаруулах болно.

 

• Дотоодын уран бүтээлч, хамтлагийн үндсэн мэдээлэл, намтар болон холбоо барих хаяг зэрэг мэдээллүүд

• Сэт Глиерийн Гурвалтай хамтран тоглох нэг Монгол хөгжмийн жишээ

• Сэт Глиерийн Гурвалтай хамтран тоглохыг хүсч буй нэг Америк хөгжмийн жишээ

• Хамтарч тоглохыг хүсч буй зорилго болон энэхүү туршлагын үр дүнд юуг хүсэн хүлээж буй тухай хүсэл зорилгоо тайлбарлан бичнэ.

 

Хамтран ажиллах саналыг 2018 оны 3 дугаар сарын 19-ны өдрийн 12:00 цаг хүртэл [email protected] цахим шуудангаар хүлээж авна.