Суут эрдэмтэн Стивен Хокинг 76 насандаа өөд боллоо
Стивен Хокинг нас барсан тухай “The Guardian” мэдээллээ.
Онолын физикийн салбарын өнөө цагийн хамгийн суут эрдэмтэн, “Цаг хугацааны товч түүх” их тэсрэлтийн онол бүхий бүтээлээрээ хүн төрөлхтний түүхэнд балрашгүй хувь нэмэр оруулсан Стивен Хокинг 76 насандаа нас баржээ.
Нэрт эрдэмтэн Кэмбриж хот дахь гэртээ өнөө өглөө амьсгал хураасан тухай гэр бүлийнхэн нь "The Guardian" сайтад мэдэгдсэн байна.
Стивен Хокинг 1963 онд буюу 21 насандаа төв мэдрэлийн саа өвчин тусч эмч нар 2 жилээс хэтрэлгүй амиа алдах аюултайг сэрэмжлүүлж байжээ. Гэсэн ч тэр компьютерийн тусламжтай бусадтай харьцаж нэрт Кэмбрижийн Их сургуульд амжилттай суралцан төгссөн юм. Үүнээс өмнө Оксфордын Их сургуулийг дүүргэсэн бөгөөд хожим нь Альберт Эйнштейний нэрэмжит шагнал тэргүүтэй өндөр дээд хэмжээний шагналуудаар шагнагдсан түүхтэй.
Орчлон ертөнцийн талаар бид хэрхэн төсөөлдөг вэ? Дэлхий яагаад байдаг вэ? Манай нарны аймаг хэзээ үүссэн бэ? Бурхан байдаг уу? Галактик хоорондын аялал бололцоотой юу? гэхчлэн хүн төрөлхтний хувьд мөнхийн гэгдэж байсан асуултуудад Стивен Хокинг шинжлэх ухааны үндэслэлийг гаргаснаараа түүхнээ мөнхөрсөн билээ.