мин

Осолд орсон монгол моринд Ди Каприо гэдэг нэр өгчээ

Монголоос Казахстанд адуу ачиж явсан ачааны машин онхолдсон байна.

М.Сугар-Эрдэнэ 2018.03.15 40 24 22

ОХУ-ын Эрхүү мужид энэ сарын 10-нд нэгэн том осол гарчээ. Монголоос Казахстанд адуу ачиж явсан ачааны машин онхолдсон байна. Адуу нэг нэгнээ гишиглэн давхиж, 30 гаруй морь замаар таран давхиж байсан гэнэ.
Энэ мэдээний гол баатар саарал морь гишгэгдэж, тархи нь цөмрөн, мал эмнэлэгт авчрахад ухаангүй болсон байжээ. Орос эмч нар шуурхай тусламж үзүүлсний ачаар саарал морь амьд гарсан байна.
Саарлын шинэ эзэн Александр Порошин “Нэлээд хэдэн морь үхсэн байлаа. Маш хүнд гэмтсэн 4 морийг бид эзнээс нь худалдан авсан. Саарлын толгойны шархыг өдөрт хэд хэдэн удаа янзалж байгаа. Өвс идээд одоо л гайгүй болж байна. Гол нь тэр амьд үлдсэн. Бүр хэд хэдэн удаа. Мак комбинат хүрсэн бол нядлуулах байлаа. Машин онхолдлоо. Онхолдсон машин дотор дарагдлаа. Амьд үлдлээ. Тархи нь цөмөрлөө. Дахиад амьд үлдсэн. Бурханы авралаар тэр амьд явах хувь заяатай адуу юм” гэж ярьжээ.
Тэрбээр Сааралд шинэ нэр өгөх болсон. Ямар нэр гэж санаж байна? Ди Каприо. Яагаад гэвэл тэр амьд үлдсэн, яг л Ди Каприогийн “The Revenant” кино шиг.

М.Сугар-Эрдэнэ 2018.03.15