мин
Монголын шигшээ багийн ахлагч Финландын АШТ-ий хүрэл медаль зүүлээ
2017 оноос манай бөмбөгтэй хоккейн шигшээ багт орон, ахлагч болсон тамирчин билээ.
Монголын бөмбөгтэй хоккейн шигшээ багийн ахлагч Роман Мурзин Финландын АШТ-ий гуравдугаар байрт шалгарч, хүрэл медаль зүүлээ. Түүний тоглодог “Ахиллес” баг хүрэл медалийн төлөөх тоглолтод "ЙПС" багийг 7-4 харьцаатай ялсан байна.
Роман Мурзин 35 настай. Эрхүү хотод спортын замналаа эхлэж, ОХУ-ын АШТ-д нийт 289 тоглон, 98 гоол оруулж байв. 2017 оноос манай бөмбөгтэй хоккейн шигшээ багт орон, ахлагч болсон тамирчин билээ. Өнгөрсөн ДАШТ-д манай шигшээ багийн төлөө 4 тоглож, 14 гоол оруулсан. Шөвгийн дөрөвт Голландын хаалганд 5 бөмбөг оруулсан мэргэн бууч юм.