“World Happiness Report”: Монголчууд аз жаргалтай болсоор байна уу
Өнгөрсөн жил 100-р байрт байсан бол энэ жил 6 байр ахиж, монголчуудын аз жаргал “нэмэгдсээр” байгааг харуулжээ.
НҮБ-ын “UN Sustainable Development Solutions Network” олон улсын хөтөлбөрөөс гаргадаг Дэлхийн хамгийн аз жаргалтай орнуудын жагсаалт гарлаа. Энэ жилийн “World Happiness Report”-д Финланд улс тэргүүлж, Норвеги, Дани, Исланд, Швейцарь удаалжээ.
Энэ жагсаалтыг нэг хүнд оногдох ДНБ-ий хэмжээ, нийгмийн хангамж, дундаж наслалт, хувийн эрх чөлөө, буяны ажлын оролцоо, авлигын хэмжээ гэсэн 6 үндсэн хэмжүүрээр гаргадаг.
Манай улс аз жаргалын чансааны 94-т бичигдсэн байна. Өнгөрсөн жил 100-р байрт байсан бол энэ жил 6 байр ахиж, монголчуудын аз жаргал “нэмэгдсээр” байгааг харуулжээ.
Харьцуулахад Хятад 86, хойд хөрш ОХУ 59-р байрт жагссан байна.