ОХУ-аас 100 тэрбум авах гээд бүтсэнгүй юу


Image Э.Хулан       1090

Хойд хөршийн “Единый банк” цахим хуудас “Монгол 100 тэрбум рублийн зээл хүслээ” гэсэн гарчигтай мэдээ гаргасан байна. Мэдээнд “Монголын Засгийн газар ОХУ-д хандан, 100 тэрбум рублийн зээл олгохыг хүслээ. Гэхдээ монголчууд хөнгөлөлттэй зээл хүссэн болохоос яг юунд зээлийг зарцуулахаа огт мэдэгдсэнгүй. ОХУ-ын Засгийн газар энэ талаар албан ёсны мэдэгдэл хийгээгүй байгаа ч Засгийн газрын нэгэн томоохон албан тушаалтан зээлийн зорилгыг тайлбарлаагүй цагт бид зээл олгохгүй гэж мэдэгдсэн байна. Энэ сарын дундуур Монголын нийслэлд хоёр улсын Засгийн газар хоорондын комиссын хуралдаан болсон. Энэ үеэр ОХУ-ын банк, хөрөнгө оруулагчид Монголын төсөл хөтөлбөрт хамтран ажиллахаар тохиролцсон билээ” гэж дурджээ.


Мөн энэ сэдвээр Оросын http://oane.ws цахим сэтгүүл “Монголчууд юунд хэрэглэхээ мэдэхгүй байж, 100 тэрбум рубль гуйлаа” гэсэн нийтлэл гаргасан. Энэ нийтлэлд “Монголын Засгийн газар манай улсаас 100 тэрбум рублийн зээл хүссэн мөртлөө энэ их мөнгийг юунд зарцуулахаа тайлбарлаж чадахгүй байна. Хоёр улсын эдийн засаг, шинжлэх ухаан-техникийн хамтын ажиллагааны хурал дээр монголчууд гэнэт их хэмжээний зээл гуйсан. Харин Оросын тал энэ талаар хэлэлцэхийг ч хүсээгүй. Өнгөрсөн өвөл Ерөнхийлөгч В.Путин Монголын өрийг өршөөсөн зарлиг гаргаснаас хойш Монголын Засгийн газар Оросоос хэзээ ч мөнгө авч болно гэсэн хий төсөөлөлтэй болсон бололтой. Улаанбаатар зээл олгох юм бол Байгаль нуурыг хайрлан хамгаалж, ойр орчинд нь юу ч барихгүй гэж амалсан байна” гэж бичжээ.  


Харин “Интерфакс” агентлаг “Монголчууд 300 сая ам.далларын зээл хүслээ” гэж бичсэн. Мэдээнд бичсэнээр манай Засгийн газар ОХУ-ын төрийн өмчит “ВТБ” банкнаас нийт 300 сая долларын хоёр зээл хүссэн байна. Эхний хэсэг болох 200 сая долларын зээлийг ОХУ-аас шатахуун, нефтийн бүтээгдэхүүн авахад зориулна гэж тайлбарласан байна. Хоёр дахь хэсэг болох 100 сая долларын зээлийн зорилго тодорхойгүй байна гэж “Интерфакс” мэдээллээ.


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.


Тэтгэврийн доод хэмжээг 40-50 мянган төгрөгөөр нэмэгдүүлнэ

2018 оны улсын төсвийн төслийг боловсруулахыг холбогдох сайд нарт үүрэг болголоо.

Э.Намуун

Төрийн өмчийн их, дээд сургуулиуд төлбөрөө нэмэхгүй

Сургалтын төлбөрийн дундаж хэмжээ 1-2,9 сая төгрөг байна.

Э.Намуун

Тусгай сургуулийн сурагчдын үдийн хоолны мөнгийг нэмлээ

Засгийн газрын ээлжит хуралдаан өчигдөр боллоо.

Э.Намуун

Их уншсан

-->