Сургууль, цэцэрлэгийн удирдлагыг сольж буй нь АЖИЛ ХАЯЛТТАЙ холбоогүй
Энэ талаар Нийслэлийн боловсролын газраас тодрууллаа.
Өнгөрсөн оны есдүгээр сард багш нар хугацаагүй ажил хаялт зарлаж, Засгийн газар багшийн цалин хөлсийг нэмэгдүүлэх асуудлыг эцэслэн шийдтэл үндсэн ажил үүргээ хийхгүй гэдгээ мэдэгдээд байсан билээ. Улмаар багш нар арваннэгдүгээр сард тодорхой хугацаанд ажил хаясан юм. Тэмцлийн хурц хэлбэрт шилжсэн тэдний энэ үйлдлийн хариуд БСШУС-ын сайд Ц.Цогзолмаа албан тоот илгээснийг уншигч та санаж буй байх. Албан тоотоос харахад "Хууль тогтоомжид заагдсан нөхцөл, шаардлагыг хангаагүй, хууль бус ажил хаялтыг зохион байгуулсны улмаас үүдэн гарах аливаа үр дагаварыг үүнийг зохион байгуулсан иргэн, хуулин этгээд хариуцна. Хууль бус аливаа үйл ажиллагааг хууль хяналтын байгууллага шийдвэрлэх үүрэгтэйг хуульд заасан байдаг" гэх өгүүлбэр бий. Сургууль, цэцэрлэгийн удирдлага албан тоотыг хүлээн авсны дараа ажил хаялт албан ёсоор зогссон юм.
Тэгвэл энэхүү үйл явдал мартагдаагүй байхад Нийслэлийн боловсролын газраас зарим сургуулийн захирал, цэцэрлэгийн эрхлэгчийн албан тушаалд томилогдох иргэний сонгон шалгаруулалтыг зарлалаа.
Тус сонгон шалгаруулалт нь багш нарын ажил хаялттай холбоотой эсэх талаар Нийслэлийн боловсролын газрын хүний нөөцийн мэргэжилтэн Ч.Цэрэннадмидаас тодруулахад “Багш нарын ажил хаялттай холбоогүй, шинээр ашиглалтад орсон сургууль цэцэрлэг болон түр томиглогдон ажиллаж байсан захирал, эрхлэгчийн албан тушаалд тус сонгон шалгаруулалтаа зарласан юм” гэж хэлсэн юм. Тэгвэл сонгон шалгаруулалт зарлагдсан зарим сургууль, цэцэрлэг нь өдгөө хэвийн үйл ажиллагаа явуулж байгаа буюу "шинэ" гэх ангилалд хамаарахааргүй байгаа юм.
1. Нийслэлийн ерөнхий боловсролын сургуулийн захирлын албан тушаалд:
№ |
Дүүрэг |
Сургуулийн нэр |
Албан тушаал |
1 |
Баянзүрх дүүрэг |
21 дүгээр сургууль |
Захирал |
2 |
97 дугаар сургууль |
Захирал |
|
3 |
133 дугаар сургууль |
Захирал |
|
4 |
127 дугаар сургууль |
Захирал |
|
5 |
Сүхбаатар дүүрэг |
4 дүгээр сургууль |
Захирал |
6 |
Ажилчин залуучуудын ээлжийн сургууль |
Захирал |
|
7 |
Сонгинохайрхан дүүрэг |
74 дүгээр сургууль |
Захирал |
8 |
121 дүгээр сургууль |
Захирал |
|
9 |
Чингэлтэй дүүрэг |
117 дүгээр сургууль |
Захирал |
10 |
139 дугаар сургууль |
Захирал |
|
11 |
Хан-Уул дүүрэг |
52 дугаар сургууль |
Захирал |
- Нийслэлийн цэцэрлэгийн эрхлэгчийн албан тушаалд
№ |
Дүүрэг |
Цэцэрлэгийн нэр |
Албан тушаал |
1 |
Баянгол дүүрэг |
242 дугаар цэцэрлэг |
Эрхлэгч |
2 |
Баянзүрх дүүрэг |
201 дүгээр цэцэрлэг |
Эрхлэгч |
3 |
203 дугаар цэцэрлэг |
Эрхлэгч |
|
4 |
212 дугаар цэцэрлэг |
Эрхлэгч |
|
5 |
251 дүгээр цэцэрлэг |
Эрхлэгч |
|
6 |
Сүхбаатар дүүрэг |
25 дугаар цэцэрлэг |
Эрхлэгч |
7 |
130 дугаар цэцэрлэг |
Эрхлэгч |
|
8 |
248 дугаар цэцэрлэг |
Эрхлэгч |
|
9 |
Сонгинохайрхан дүүрэг |
80 дугаар цэцэрлэг |
Эрхлэгч |
10 |
104 дүгээр цэцэрлэг |
Эрхлэгч |
|
11 |
163 дугаар цэцэрлэг |
Эрхлэгч |
|
12 |
228 дугаар цэцэрлэг |
Эрхлэгч |
|
13 |
244 дүгээр цэцэрлэг |
Эрхлэгч |
|
14 |
Чингэлтэй дүүрэг |
220 дугаар цэцэрлэг |
Эрхлэгч |
15 |
247 дугаар цэцэрлэг |
Эрхлэгч |
|
16 |
Хан-Уул дүүрэг |
243 дугаар цэцэрлэг |
Эрхлэгч |
17 |
250 дугаар цэцэрлэг |
Эрхлэгч |
|
18 |
Багануур дүүрэг |
131 дүгээр цэцэрлэг |
Эрхлэгч |
19 |
132 дугаар цэцэрлэг |
Эрхлэгч |
|
20 |
138 дугаар цэцэрлэг |
Эрхлэгч |
|
21 |
142 дугаар цэцэрлэг |
Эрхлэгч |
|
22 |
193 дугаар цэцэрлэг |
Эрхлэгч |
|
23 |
194 дүгээр цэцэрлэг |
Эрхлэгч |
Сонгон шалгаруулалтад оролцох хүсэлтэй иргэн дипломын дээд болон бакалавраас дээш зэрэгтэй байх ба мэргэжлээрээ таваас доошгүй жил ажилласан байх шаардлагатай юм. Сонгон шалгаруулалтад оролцох бол энд дарж, дэлгэрэнгүй мэдээлэл аваарай.