Саудын Араб эрэгтэй, эмэгтэй ажилтнуудын цалинг ижил болгоно
Цалинг тэгшитгэснээр ажил хийх эмэгтэйчүүдийн тоо нэмэгдэх сайн талтай гэж Ханхүү ярьжээ.
Ханхүү Мухаммад бен Салман CBS телевизэд ярилцлага өгөхдөө эрэгтэй, эмэгтэй ажилтнуудын цалинг ижил тэгш болгоно гэж мэдэгдлээ.
Түүний хэлснээр ойрын ирээдүйд энэ төсөл хэрэгжих бөгөөд хэд хэдэн хуулийн өөрчлөлт хийх шаардлагатай юм байна. Цалинг тэгшитгэснээр ажил хийх эмэгтэйчүүдийн тоо нэмэгдэх сайн талтай гэж Ханхүү ярьжээ.
Өнгөрсөн жил авлигын хэргээр 11 хунтайж, дөрвөн сайдыг баривчилсны ачаар төсөвт 100 тэрбум доллар эргүүлэн авч чадсан. “100 гаруй тэрбум доллар цугларсан. Гэхдээ бидний гол зорилго мөнгө авахдаа биш авлигыг устгах, хээл хахууль авсан хүмүүсийг хэн ч байсан шийтгэнэ шүү гэсэн дохиог нийгэмд өгөх байлаа” гэж Мухаммад бен Салман хэлсэн байна.