ФОТО: Монгол дахь оросууд В.Путинийг дэмжжээ
Өчигдөр ОХУ-ын 1249 иргэн сонгуульд саналаа өгсөн. Улаанбаатарт 956, Эрдэнэтэд 204, Дарханд 89 хүн санал өгчээ.
Монгол улсад ажиллаж, амьдарч байгаа орос иргэд өчигдөр ОХУ-ын Ерөнхийлөгчийн сонгуульд оролцлоо. Өглөөний 8 цагт санал өгөх 3 тойрог хаалгаа нээсэн юм. Улаанбаатарт ОХУ-ын ЭСЯ-ны дэргэдэх дунд сургууль дээр, Дархан, Эрдэнэт хотуудад Ерөнхий Консулын газарт орос иргэд санал өгцгөөсөн. Монголд нийт 2000 орос иргэн амьдардгаас 1700 нь насанд хүрсэн сонгуулийн эрхтэй. Үүнээс 1300 нь нийслэлд аж төрж байгаа аж.
Өчигдөр ОХУ-ын 1249 иргэн сонгуульд саналаа өгсөн. Улаанбаатарт 956, Эрдэнэтэд 204, Дарханд 89 хүн санал өгчээ.
Энэ сонгуулиар В.Путин Монголд ч итгэл төгс ялалт байгуулсан. Монгол дахь орос иргэдийн 82% нь түүнд санал өгч, Павел Грудинин 8,8%, Владимир Жириновский 3,1%, Ксения Собчак 2,8, Григорий Явлинский 1,2, Борис Титов 1, Максим Сурайкин 0,5, Сергей Бабурин 0,4 хувийн санал авсан байна.