1 мин

Уулчин Б.Гангаамаа марктай боллоо

Тус марк нь нэг блок бөгөөд 15 мянган ширхэг хэвлэгдэж, 6000 төгрөгөөр зарагдаж байна.

М.Сугар-Эрдэнэ 2018.03.19 39 21 20

“Дэлхийн 7 тивийн ноён оргилд гарсан анхны монгол хүн, Монгол Улсын гавьяат тамирчин,  ОУХМ Бадамгаравын Гангаамаа” сэдэвт шуудангийн марк гарсаны нээлтийн үйл ажиллагаа өнөөдөр Засгийн Газрын Хэрэгжүүлэгч Агентлаг болох Биеийн тамир, спортын газарт боллоо.

Энэхүү марканд Антарктидын Винсон массив /4897 м/, Европ тивийн Эльбрус /5642 м/, Африк тивийн Килиманжаро /5895/, Хойд Америкийн Денали /6194 м/, Өмнөд Америкийн Аконкагуа /6962 м/, Австрали ба Далайн Карстенз пирамид /4884 м/, Австралийн Косиюско /2228 м/, Ази тивийн Эверест /8848 м/ ноён оргилууд болон мөнх цаст Эверестийг давахаар нисч буй хос хун, түүний наана Төрийн далбаагаа өргөн зогсох Б.Гангаамааг дүрсэлсэн байна.

Зураачаар Ч.Бат-Эрдэнэ, дизайнераар Ж.Ганхуяг ажиллажээ. Тус марк нь нэг блок бөгөөд 15 мянган ширхэг хэвлэгдэж, 6000 төгрөгөөр зарагдаж байна.  

М.Сугар-Эрдэнэ 2018.03.19