“Гал тогоо” цувралын жүжигчин хууз сахал “суулгажээ”
Эмч нар 12 цагийн турш түүний нүүрэнд 4000 гаруй үс суулгасан байна.
ОХУ-ын ТНТ телевизийн “Ольга”, “Чернобыль. Зона отчуждения”, “Гал тогоо” цувралд тоглосон жүжигчин Сергей Романович багын мөрөөдлөө 25 настайдаа биелүүлэхээр шийджээ. Түүний мөрөөдөл бол хууз сахал.
Эмч нар 12 цагийн турш түүний нүүрэнд 4000 гаруй үс суулгасан байна. Үсийг толгой, шилэн хүзүүнээс нь авчээ. Сергей Романович YouTube-ээр дамжуулан, хагалгааны талаар дэлгэрэнгүй ярьж, фэнүүддээ хуузтай болох хүслээ өгүүлсэн юм.
Эмчилгээний дараахь эхний шөнө маш их загатнасан тул “сахлаа” аваад хаячихгүйн тулд унтахдаа гараа хүлүүлжээ. 2-3 сарын дараа түүний нүүрэнд сахал ургаж, харин 6-7 сарын дараа өтгөн хуузтай болох гэнэ.