Шинэ хуулийг орон нутагт таниулж, зөвлөгөө мэдээлэл өгөв
Төрийн албаны зөвлөлөөс энэхүү таниулах ажлыг тогтмол зохион байгуулж байна.
Улсын Их Хурлаас 2017 онд баталсан Төрийн албан тухай хуулийн шинэчилсэн найруулгын үзэл баримтлал, шинэлэг зохицуулалтын тухай төв орон нутгийн төрийн байгууллагуудын албан хаагчдад таниулах ажлын Төрийн албаны зөвлөлөөс тогтмол зохион байгуулж байгаа юм.
Энэ удаад Төрийн албаны зөвлөлийн ажлын хэсэг Дорноговь аймагт ажиллаж, аймгийн агентлагийн удирдах албан тушаалтнуудад болон тус аймгийн Сайншанд, Замын-Үүд суман дахь төрийн албан хаагчдад Төрийн албаны тухай хуулийн шинэ зохицуулалтын талаарх зарчмын гол асуудлаар Төрийн албаны зөвлөлийн гишүүн, төрийн албаны удирдах албан тушаалтны сонгон шалгаруулах төв комиссын дарга Б.Баатарзориг мэдээлэл хийж, хууль тогтоомжийг хэрэгжүүлэх чиглэлээр зөвлөгөө чиглэл өгч ажиллалаа.
Орон нутагт хууль тогтоомжийг сурталчлах, зөвлөн туслах ажлын хэсэгт Гаалийн ерөнхий газар, Хил хамгаалах ерөнхий газар, Мэргэжлийн хяналтын ерөнхий газар, Дорноговь аймгийн Засаг даргын Тамгын газрын удирдах албан тушаалтнууд оролцож, мэргэшил, арга зүйн зөвлөгөө өгөв.