Хайх зүйлээ бичнэ үү

4 мин

В.Путиний афоризм болсон цуут эшлэлүүд

“Би уучилж чадна, гэхдээ урван тэрслэлтийг хэзээ ч уучилдаггүй”


Өнгөрсөн Ням гарагт ОХУ-д Ерөнхийлөгчийн сонгууль болж, одоогийн Ерөнхийлөгч В.Путин үнэмлэхүй ялалт байгууллаа. Энэ бол тэрбээр 2024 он хүртэл ОХУ-ыг удирдана гэсэн үг. Дэлхийн хамгийн хүчирхэг, нөлөөтэй эрхмийн нэг Владимир Путиний цуут эшлэлүүдээс танилцуулж байна.

“Сонгогчдын өмнө надад ичих юм байхгүй. Би энэ жилүүдэд боол шиг л өглөөнөөс орой болтол ажиллалаа”
“Алан хядагчдыг бид хэзээ ч тайван орхихгүй мөрдөх болно. Нисэх буудал, за тэгээд уучлаарай жорлонд бариад авбал тэнд нь л цааш нь харуулна”
“Орос, Украинд Европоос огт өөр сэтгэхүйтэй. Жишээ нь, манайд эмэгтэй хүнийг ресторанд урьсан бол даадаг. Харин Европт урьчихаад тэнцүү хувааж төлдөг”
“Гутранги үзэлтэн коньяк уугаад ярвайн “нэл бясаа үнэртээд” гэж үглэдэг. Харин өөдрөг үзэлтэн бясааг хананд няцалж алчихаад үнэртээд “Коньяк үнэртэж байна” гэдэг. Би бясаа үнэртсэн өөдрөг үзэлтэн байснаас коньяк ууж байгаа гутранги үзэлтэн байхыг хүсч байна”
“Бид их гүрэн гэсэн хэргэм авах гээгүй, бид хэний ч ашиг сонирхлыг зөрчөөгүй, хэнд ч яаж амьдрахыг нь зааж өгөх гээгүй”

“Крым үргэлж Орос, Украин, Крымийн Татарын газар нутаг байсан. Харин хэзээ ч Бандеровчуудынх байгаагүй”
“Юу ч болоод, яаж ч муудалцаад, Украин хаашаа ч явсан бай, бид хэзээ нэгэн цагт уулзалдах болно. Яагаад гэвэл бид нэг ард түмэн”
“Телевизийн камер ажиллах үед бүгд сайхан харагдахыг хүсдэг. Харин энэ үед толгой нь ажиллахаа больдог юм”
“Хууль батлах гэж зуу зуун толгой ажиллаж байна. Харин энэ хуулийг яаж аргалах вэ гэж сая сая толгой боддог”
“Хэрэв хүн бүх юманд сэтгэл хангалуун байвал тэнэг хүн гэсэн үг. Эрүүл хүний сэтгэлд бүх юм өв тэгш байна гэж байхгүй”

“Улс, Засгийн газар нөгөө талаас олигархиуд гэсэн хоёр эвлэршгүй дайсан байна гэж би үзэхгүй байгаа. Улс гартаа ганцхан удаа цохьдог бороохой барьсан байна гэж би харж байгаа. Ганцхан удаа гэхдээ толгой дундуур нь. Бид энэ бороохойг дөнгөж гартаа барьсан ч хүмүүс хэдийнэ айгаад эхэлсэн”
“Иракт энхийг сахиулах ажиллагаанд орос цэргүүдээ оруулаач гэсэн саналд би “Бид тэнэг биш” гэж хариулмаар байдаг”
“Бид таргалж, зузаарах тусам хүн амын тоо цөөрч байгаа гэдгийг ойлгоорой”
“Манай телевизээр маш их хүчирхийлэл, бас нөгөө секс гэж нэрлэдэг зүйл гарч байна”
“Манай Үндсэн хуулийг биш тэдний тархийг өөрчлөх хэрэгтэй”
“Мафи бол орос үг биш...”
“Өнгөт хувьсгал л гэх юм. Удахгүй цэнхэр хувьсгал гарах байх...”
“Хуулийг аргалах гэж оролдсоноос хуулиа мөрдөж амьдрах нь ашигтай, амгалан гэдгийг бүгд ойлгох ёстой”
“Алдартай эрдэмтэн, зохиолчид гадаадад гараад байна гэж үү? Сайн байна. Энэ чинь манай тархи, ухаан чанартай сайн байна гэсэн үг. Муу байсан бол тэднийг хэн ч авахгүй шүү дээ”
“Мөнгө байхгүй бол дэлгүүр явж чадахгүй. Их буу, пуужин, эм ч худалдан авч чадахгүй. Тийм болохоор эдийн засаг эн тэргүүнд байх ёстой. Эхлээд Карл Маркс, дараа нь Фрейд гэх мэт”
“Энд бид ямар ч туршилт хийхгүй. Хулгана дээр тэр туршилтаа хийцгээ”
“Засгийн газар, орон нутгийн удирдлагуудыг би швейцарь цаг шиг ажиллахыг хүсч байна. Сонгуулиас сонгууль хүртэл зогсолтгүй, яг таг”
“Хэрэв цаг хугацааны машин байвал би Петербург хот яаж баригдсан, эсвэл Эх орны их дайнд эцэг өвгөд минь яаж байлдаж, ялж байсныг өөрийн нүдээр хармаар байна. Баримтат кино үзэхээр өөрийн эрхгүй нулимс асгардаг”

“Ерөнхийлөгчийн Тамгын газарт 2000 ажилтан бий. Намайг бүгдийг нь хянадаг гэж та нар бодож байна уу? Үгүй. Миний хэвлэлийн төлөөлөгч Песков дээр жишээ авья. Тэр заримдаа хаа хамаагүй юм яриад л, харин би зурагтаар хараад “Энэ юу яриад байна, хэн энэнд ийм үүрэг өгөв” гэж бодох жишээтэй”
“Би уучилж чадна, гэхдээ урван тэрслэлтийг хэзээ ч уучилдаггүй”
“Өөрийнхөө армийг тэжээхийг хүсэхгүй байгаа улс бусдын армийг тэжээх болно”
“Орос орон Өрнө Дорны дунд оршдог биш, Өрнө, Дорно Оросын баруун зүүн талд байдаг юм”
“Мэдлэг бол XXI зууны хамгийн сайн валют”

Хамгийн их уншилттай
1
2024.03.17
“Монгол түйрэн” маргааш ирнэ гэж БНСУ-д анхааруулав
2
2024.03.09
Миягино дэвжээг хаах шийдвэр гарчээ
3
2024.03.11
“Оскар”-ын түүхэн дэх 13 эвгүй явдал
холбоотой мэдээ
1
4 цагийн өмнө
Олны өмнө ярихдаа “мартагдамгүй” байхад туслах 8 зөвлөгөө
2
5 цагийн өмнө
Рөүзийг амьд үлдээсэн Титаникийн "хаалга" 718,750 доллараар зарагджээ
3
Уржигдар
Видео: АНУ-д гүүр нурсны улмаас 20 гаруй хүн гол руу унаж сураггүй алга болоод байна
санал болгох
1
1 цагийн өмнө
Өнөө цагийн сэтгэл татам жүжигчдийн нэг Сидней Свинигийн тухай 19 баримт
2
5 цагийн өмнө
Рөүзийг амьд үлдээсэн Титаникийн "хаалга" 718,750 доллараар зарагджээ
3
Өчигдөр
Playlist: Цасан шуурганаар сонсоход хамгийн тохиромжтой 11 дуу

Энэ мэдээнд өгөх таны сэтгэгдэл?
37
7
23
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.