Компаниуд хогон дотроос хуучин зай хайж эхэллээ
Хугацаа нь дууссан зайнаас дахин металл гаргаж авах нь уурхайд олборлолт хийхээс ашигтай гэж үзэж байна.
Кобальт, литийн үнэ зүгээр ч өсөөгүй, галзууртлаа хөөрч буй учраас зарим компани зайнд агуулагддаг жижиг хэмжээтэй металлын эрэлд гарчээ. Тухайлбал, Австралийн хөрөнгийн биржид бүртгэлтэй Neometals компани гэхэд л хугацаа нь дууссан зайнаас зэс, никель, кобальт болон литийг ялган авах ажил хийж байна.
Австралийн Калгурли хотын ойролцоох литийн төсөл 2.5 сая ам.доллараар худалдаж авсан нэгэн компани машины хугацаа нь дууссан зайнаас дахин металл гаргаж авах нь уурхайд олборлолт хийхээс ашигтай гэж хэлсэн гэнэ.
Дээр дурдсан Neometals компани ч үүнтэй адил бодолтой байна. Тус компанийн гүйцэтгэх захирал Майк Тамлин “Хугацаа нь дуусаж, хэрэглэхээ больсон зайг дахин ашиглах нь өртөг багатай” гэж “Bloomberg”-т ярилцлага өгчээ.
“Neometals” компани энэ зах зээлд ганцаар биш. Ашиглахгүй болсон гар утас, зөөврийн компьютер болон бусад өндөр технологийн бүтээгдэхүүнээс лити болон кобальт ялган авдаг байгууллагын тоо өссөн байгаа гэнэ.
Хятадын Tianqi Lithium Industries гэхэд л дахин ашиглах энэхүү аргыг судалж байгаа гэнэ.
Тэгвэл БНСУ-ын зай үйлдвэрлэлийн тэргүүлэх компани Samsung SDI ч мөн энэ ажилд ханцуй шамлан оржээ.
Эх сурвалж: www.mining.com