1 мин

НБА: Жон Уолл бүтэн контакттай бэлтгэлд орж эхэллээ

Түүний эргэн ирэлт багт маш хэрэгтэй байгаа юм.

2018.03.27 43 41 28

“Вашингтон Визардс” багийн лидер, холбон тоглогч Жон Уоллын бэртлээс эргэн ирэх хугацаа одоогийн байдлаар тодорхой болоогүй хэвээр байгаа билээ. Тэгсэн хэдий ч Жон Уолл өнгөрсөн амралтын өдрүүдээр тавын эсрэг тав бүтэн контакттай бэлтгэлд оролцож эхэлсэн байна. Уг бэлтгэл нь тоглогчдийн бэртлээс эргэн ирэхийн өмнөх үе шат юм.

Өнөөдрийн байдлаар “Вашингтон Визардс” баг 40 хожил, 32 хожигдолтойгоор бүсийнхээ зургаадугаар байранд бичигдэж байгаа бөгөөд долоо, наймдугаар байрны багууд хожил, хожигдолын тоогоор тун ойрхон байгаа билээ. Тиймээс Визардсийн хувьд үлдсэн тоглолтууддаа сайн хийх шаардлагатай байгаа бөгөөд Жон Уоллын эргэн ирэлт үүнд чухал нөлөө үзүүлэх юм.  

Визардс баг энэ улирал Жон Уоллын эзгүйд 14 хожиж, 10 хожигдсон амжилттай улиралаа үргэлжлүүлж байна.

2018.03.27