Ибупрофен байнга уудаг бол энэ мэдээллийг ЗААВАЛ УНШААРАЙ
Эмийн жор шаардлагагүй худалдаж авдаг эмийг хэрхэн уух нь хувь хүний эрх чөлөө гэх нийгмийн дунд тогтсон ойлголт бий. Гэхдээ эмийн жоргүй худалддаг эм сөрөг үр нөлөөтэй бол яах вэ?
Ямар ч жоргүй борлуулдаг өвчин намдаадаг эмийг хэргэлдэг хүний тоо эрс өсөж байна. Харамсалтай нь хүмүүсийн боддогоос ч их сөрөг нөлөө өвчин намдаагчид бий.
“American journal of Epidemiology” сэтгүүлд хэвлэгдсэн сүүлийн үеийн судалгаанаас үзэхэд, урт хугацаанд өвчин намдаагч хэрэглэсэн хүмүүсийн сонсгол муудах эрсдэл эрс өсдөг тухай мэдээлжээ. Судалгааг доктор Гари Каран “Brigham”-ны эмэгтэйчүүдийн эмнэлэгийн мэдээлэлд суурилж хийсэн байна.
Судалгаанд 55 мянган эмэгтэйн мэдээллийг хамруулсан бөгөөд ибупрофений төрлийн өвчин намдаагч тогтмол хэрэглэдэг эмэгтэйчүүдийн сонсгол муудах эрсдэл их байжээ. Гэхдээ аспирин хэрэглэдэг хүмүүст энэ төрлийн эрсдэл ажиглагдаагүй гэв(Судалгаанд хамрагдсан бүсгүйчүүд хоёр жилээс дээш хугацаанд ибупрофен эсвэл аспирин уудаг байжээ).
“Хүмүүс ипупрофен болон парацетамолын төрлийн өвчин намдаагчийн аюулгүй гэж бодож байгаад миний санаа зовж байна. Хүмүүс дээрх эмүүдийн сөрөг нөлөөний талаар боддоггүй” гэж Гари Каран хэлэв. Мөн “Архаг өвчнөө намдаахаар энэ төрлийн эмийг ууж буй хүмүүс арай өөр аргаар өвчнөө намдаах арга туршиж үзэх хэрэгтэй” гэв.
Эх сурвалж:www.time.com