1 мин
ФОТО: Токиод сакура цэцэглэлээ
Энэ өдрүүдэд япончууд цэцэрлэгт хүрээлэн, ууланд очиж, сакура цэцэглэхийг харан, сэтгэлийн цэнгэл эдэлж байна.
Японы нийслэл Токиод сакура цэцэглэж, урин хавар ирснийг зарлан тунхаглалаа. Сакура цэцэглэснийг албан ёсоор зарладаг бөгөөд Токиогийн Ясүкүни шинто сүмд байдаг “тусгай” модны эхний таван цэцэг дэлгэрэхэд Токиод сакура цэцэглэснийг зарладаг. Цаг агаарын ажилтнууд тус модыг хэдэн өдрийн турш ажиглан суудаг байна.
Энэ жил сакура 3-р сарын 17-нд цэцэглэсэн нь өнгөрсөн жилээс 4 өдрийн өмнө, харин олон жилийн дунджаас 9 өдрийн өмнө болж байгаа гэнэ. Энэ өдрүүдэд япончууд цэцэрлэгт хүрээлэн, ууланд очиж, сакура цэцэглэхийг харан, сэтгэлийн цэнгэл эдэлж байна.