мин

Уул уурхайн яам 4 том төслийн бүтээн байгуулалтыг идэвхижүүлнэ

Газрын тос боловсруулах үйлдвэр байгуулах төсөл идэвхтэй хэрэгжиж байна.

Э.Хулан 2018.03.28 35 26 26

6

Монголын эдийн засгийн форумын “Уул уурхай ба үр өгөөж” салбар хуралдаан өнөөдөр Төрийн ордонд боллоо. Энэ хуралдааны үеэр Уул уурхай, хүнд үйлдвэрийн яамны Төрийн нарийн бичгийн дарга Г.Нандинжаргал илтгэл тавьсан юм. Тэрбээл илтгэлийнхээ үеэр Уул уурхай, хүнд үйлдвэрийн яам дөрвөн том төслийн бүтээн байгууллалтыг идэвхижүүлэхээр ажиллаж байгааг дурдлаа. 

Үүнд, зэс хайлуулах, газрын тос боловсруулах, нүүрс, кокс химийн болон төмөрлөгийн үйлдвэр байгуулах төсөл багтаж байна. Уул уурхайн төслүүдийг хэрэгжүүлэхэд говийн бүсийг усаар хангах “Хэрлэн-говь” хөтөлбөрийг эхлүүлэх шаардлагатай гэж яамны зүгээс үзэж байгаа гэнэ. 

Өдгөө газрын тос боловсруулах үйлдвэр байгуулах төсөл идэвхтэй хэрэгжиж байгаа гэнэ.  Монгол Улс газрын тосны хувьд 332.6 сая тонн баталгаажсан нөөцтэй. Үүнээс ашиглалтын баталгаат нөөц нь 43.2 сая тонн юм. Шинээр Хөх нуур, Галба гэсэн хоёр талбайд нөөц илрэх чиг хандлагатай байгаа. 2017 онд 7.6 сая баррель газрын тос олборлож, улсын төсөвт 198.3 тэрбум төгрөг төвлөрүүлсэн. 2018 онд 223 тэрбум төгрөгийг газрын тосны салбараас улсын төсөвт төвлөрүүлэх төлөвлөгөөтэй байгаа гэнэ. 

Э.Хулан 2018.03.28

6